'మోదీలందరూ దొంగలే అనడం తగునా?'

ఛత్తీస్​గఢ్​ కొర్బలో ఎన్నికల ప్రచారంలో పాల్గొన్న ప్రధాని మోదీ... కాంగ్రెస్​పై తీవ్ర ఆరోపణలు చేశారు. హింసను ప్రోత్సహించేవారికి సహకారం అందించేలా హస్తం పార్టీ మేనిఫెస్టో ఉందని విమర్శించారు. మోదీలందరూ దొంగలేనన్న రాహుల్​ గాంధీ విమర్శలను ఖండించారు మోదీ.

నక్సలైట్లను ప్రోత్సహించేలా కాంగ్రెస్​ పార్టీ మేనిఫెస్టో ఉందని ప్రధానమంత్రి నరేంద్ర మోదీ విమర్శించారు. ఇలాంటి మేనిఫెస్టోలతో అధికారం చేపట్టిన వారు ఆదివాసీల జీవితాల్లో అలజడి సృష్టిస్తారని ఆరోపించారు.

ఛత్తీస్​గఢ్​లోని కొర్బ ప్రాంతంలో ఎన్నికల ప్రచారం నిర్వహించారు మోదీ. నీరవ్​ మోదీ, లలిత్​ మోదీని ప్రస్తావిస్తూ రాహుల్​ చేసిన విమర్శలను తప్పుబట్టారు.

"విమర్శలు చేయడానికి ఏదో ఒకటి మాట్లాడటం నామ్​దార్​కు​ ఫ్యాషన్​ అయిపోయింది. మోదీలందరూ దొంగలే అని ఇటీవలే ఆరోపించారు. గుజరాత్​ వాసులనూ 'మోదీ' అనే అంటారు. మరి అక్కడి వారందరూ దొంగలేనా? ఇలాంటి మాటలు ఆయనకు మంచి చేస్తాయా? ఇలాంటి మాటలు మాట్లాడవచ్చా?"
--- నరేంద్ర మోదీ, ప్రధాని.

ఇదీ చూడండి: గబ్బర్​సింగ్​ను భయపెట్టిన డైలాగ్​ తెలుసా..?