సంతాప సభలో ఎమ్మెల్యే నృత్యాంజలి!

ఛత్తీస్​గఢ్ గుండదేహి కాంగ్రెస్ ఎమ్మెల్యే కున్వర్​సింగ్ నౌషద్​ ఓ సంతాపసభలో నృత్యం చేశారు. చనిపోయిన ఖుమన్​లాల్​ చివరి కోరిక మేరకు ఈ విధంగా చేసినట్లు ఆయన తెలిపారు.

సాధారణంగా సంతాప సభల్లో శోకంతో కన్నీళ్లు పెట్టుకోవడం, మౌనం వహించడాన్ని మనం చూస్తుంటాం. అయితే నేపథ్య సంగీతానికి అద్భుతంగా నృత్యం చేస్తూ సంతాపం తెలపడం మీరు ఎప్పుడైనా చూశారా?

ఛత్తీస్​గఢ్​లో సమాజిక సంస్థ చాందినీ గోందా వ్యవస్థాపకుడు ఖుమన్​లాల్​షా, గాయకుడు లక్ష్మణ్​ మస్తూరియా ఇటీవలే మరణించారు. వారికి నివాళులు అర్పించడానికి ఓ సంతాప సభను ఏర్పాటుచేశారు. ఈ కార్యక్రమంలో రాష్ట్ర సాంస్కృతిక, జానపద, సినిమా కళారంగాల ప్రముఖులు పాల్గొన్నారు.

ఈ సంతాపసభలో గుండదేహి కాంగ్రెస్ ఎమ్మెల్యే కున్వర్​సింగ్​ నౌషద్​ నృత్యం చేసి... మరణించిన ఇరువురు ప్రముఖులకు ఘనంగా నివాళి అర్పించారు.
ఖుమన్​లాల్​షా తను చనిపోతూ, ఈ లోకంలో తన కోసం కన్నీళ్లు కార్చడం కంటే, ఒక చక్కని పాట పాడి తనను తలచుకోవాలని కోరుకున్నారు. అందుకే సాంస్కృతిక కార్యక్రమం నిర్వహించారు. ఎమ్మెల్యే కున్వర్ సింగ్​ ఈ కార్యక్రమంలో నృత్యం చేశారు.

ఇదీ చూడండి: టోల్​గేట్​ ఉద్యోగినిని దారుణంగా కొట్టారు