ఉపగ్రహ వ్యతిరేక సాంకేతికతను భారత్ విజయవంతంగా పరీక్షించిన శాస్త్రవేత్తలను ఇస్రో మాజీ సారథి మాధవన్ నాయర్ అభినందించారు. ఏ-శాట్... అణుబాంబు తరహాలో ఆత్మరక్షణ కోసమేనని, ఇతరులపై ఉపయోగించమని చెప్పారు. ఇస్రో మాజీ ఛైర్మన్ మాధవన్ నాయర్, ఇస్రో మాజీ శాస్త్రవేత్త నంబీ నారాయణన్, రక్షణ రంగ నిపుణులు మిషన్ శక్తి విజయవంతంపై హర్షం వ్యక్తంచేశారు.
'మిషన్ శక్తి' విజయంపై మాజీ సారథుల హర్షం
ఇది మహోన్నతమైనది. ఎందుకంటే మన ఉపగ్రహాలవైపు చూసేందుకు కూడా ఎవరూ ధైర్యం చేయరు. భారత ఉపగ్రహాలపై దాడికి ప్రయత్నం చేయరు. ఇది మన సామర్థ్యం అవుతుంది. ఈ ప్రయోగం ఏ దేశానికీ వ్యతిరేకంగా కాదు. ఈ ప్రయోగం దేశ సాంకేతిక సామర్థ్యాన్ని ఇనుమడింపజేయటానికి ఉద్దేశించినది మాత్రమే.
- వీకే సారస్వత్, డీఆర్డీఓ మాజీ ఛైర్మన్