'ఐపీసీ, సీఆర్​పీసీల సవరణకు సూచనలివ్వండి'

అత్యాచారం, హత్య వంటి నేరాల్లో వేగంగా కోర్టు తీర్పులు వెలువడేలా ఐపీసీ, సీఆర్​పీసీల సవరణకు కేంద్రం కసరత్తు ముమ్మరం చేసింది. దీనికి సంబంధించి అన్ని రాష్ట్రాలు సూచనలు ఇవ్వాలని కోరినట్లు తెలుస్తోంది.

భారతీయ శిక్షా స్మృతి(ఐపీసీ), కోడ్​ ఆఫ్​ క్రిమినల్​ ప్రోసీజర్​ (సీఆర్​పీసీ)లకు అవసరమైన సవరణలకు.. అన్ని రాష్ట్రాలు సలహాలు, సూచనలు ఇవ్వాలని కేంద్ర హోం శాఖ కోరినట్లు ఓ అధికారి తెలిపారు.

సవరణల తర్వాత వచ్చే కొత్త చట్టాలు.. ఆధునిక ప్రజాస్వామ్యానికి తగ్గట్లు వేగంగా తీర్పులు వెలువడే విధంగా ఉండనున్నట్లు అధికారి పేర్కొన్నారు. ముఖ్యంగా వెనకబడిన వర్గాలకు ఉపయోగకరంగా ఉండనున్నట్లు అభిప్రాయపడ్డారు.

ఐపీసీ, సీఆర్​పీసీ భారత సాక్ష్యాధారాల చట్టం, నార్కొటిక్​ డ్రగ్స్​, సైకోట్రొపిక్​ సబ్​స్టాన్సెస్​ చట్టాలను.. బ్యూరో ఆఫ్​ పోలీస్​ రీసెర్చ్​ అండ్​ డెవలప్​మెంట్​ సమీక్షించే అవకాశముంది.

దేశంలో మూకదాడుల నివారణకు.. అవసరమైన సవరణలు సూచించేందుకు ప్రత్యేక కమిటీ ఏర్పాటు చేసినట్లు కేంద్రం హోం మంత్రి అమిత్​షా పార్లమెంట్​లో ఇటీవలే ప్రకటించారు.

అత్యాచారం, హ్యత్య వంటి క్రిమినల్​ నేరాల్లో తీర్పులు త్వరితగతిన వచ్చే విధంగా ప్రస్తుత చట్టాలకు కేంద్రం అవసరమైన మార్పులు చేస్తున్నట్లు కేంద్ర హోంశాఖ సహాయ మంత్రి కిషన్​ రెడ్డి ఇటీవలే వెల్లడించారు.

ఇదీ చూడండి:'100 శాతం నేర రహిత రాజ్యం రాముడికీ సాధ్యం కాదు'