భాజపా జాతీయ అధ్యక్షుడు జేపీ నడ్డా బంగాల్లో గురువారం పర్యటించినప్పుడు భద్రతా ఏర్పాట్లు సమీక్షించిన ముగ్గురు ఐపీఎస్ అధికారులకు కేంద్రం సమన్లు జారీ చేసింది. వీరిని సెంట్రల్ డిప్యుటేషన్పై పనిచేయాలని తెలిపింది.
నడ్డా గురువారం.. బంగాల్లో పర్యటించినప్పుడు ఆయన కాన్వాయ్పై రాళ్ల దాడి జరిగింది. దీనికి భద్రతాపరమైన ఏర్పాట్లలో లోపాలే కారణమని కేంద్రం భావిస్తోంది. అందుకే నడ్డా పర్యటన సమయంలో విధులు నిర్వహించిన ఆ ముగ్గురిపై చర్యలు తీసుకుంది.
బంగాల్లో అధికార తృణమూల్, భాజపా మధ్య ఇప్పటికే ఉద్రిక్త పరిస్థితులు నెలకొన్న తరుణంలో కేంద్రం తాజా చర్యలతో ఇది తీవ్ర రూపం దాల్చే అవకాశముంది. నడ్డా కాన్వాయ్పై దాడి ఘటనపై రెండు పార్టీల మధ్య మాటల యుద్ధం జరుగుతోంది. దాడి తృణమూల్ కార్యకర్తల పనే అని కమలం పార్టీ ఆరోపిస్తోంది. భాజపానే డ్రామాలు ఆడుతోందని దీదీ ప్రభుత్వం చెబుతోంది.
సాధారణంగా ఐపీఎస్ అధికారులు డిప్యుటేషన్పై కేంద్రానికి సేవలందించాలంటే.. ముందుగా రాష్ట్ర ప్రభుత్వ అనుమతి తీసుకోవాలి. కానీ బంగాల్ ప్రభుత్వాన్ని సంప్రదించకుండానే ముగ్గురు ఐపీఎస్లకు కేంద్రం సమన్లు జారీ చేసినట్లు తెలుస్తోంది.