స్వగృహంలోనూ నిర్బంధంలోనే మెహబూబా ముఫ్తీ

ఎనిమిది నెలలుగా నిర్బంధంలో ఉన్న కశ్మీర్​ మాజీ ముఖ్యమంత్రి మెహబూబా ముఫ్తీకి కాస్త ఊరట కల్పించింది ప్రభుత్వం. ఇప్పటివరకు ప్రభుత్వ బంగ్లాలో ఉన్న ఆమెను స్వగృహానికి తరలించింది. అయినప్పటికీ ఆమె నిర్బంధం కొనసాగుతుందని స్పష్టం చేసింది.

గతేడాది ఆగస్టు నుంచి నిర్బంధంలో ఉన్న జమ్ముకశ్మీర్​ మాజీ ముఖ్యమంత్రి మెహబూబా ముఫ్తీని ఆమె అధికారిక నివాసానికి తరలించారు అధికారులు. అయితే ముఫ్తీ నివాసాన్నే జైలుగా మార్చి.. నిర్బంధంలోనే ఉంచనున్నట్లు స్పష్టం చేశారు.

ఆర్టికల్ 370 రద్దు నేపథ్యంలో పీడీపీ అధినేత్రి అయిన ముఫ్తీని.. ప్రజా భద్రతా చట్టం(పీఎస్​ఏ) కింద గతేడాది ఆగస్టు 5న ఆధీనంలోకి తీసుకున్నారు అధికారులు. అప్పటినుంచి లాల్​చౌక్ సమీపంలోని మౌలానా ఆజాద్​ రోడ్​లోని ప్రభుత్వ బంగ్లాలో నిర్బంధించారు. అదే బంగ్లాలోనే ఒమర్​ అబ్దుల్లానూ ఉంచిన అధికారులు.. ఇటీవలే ఆయనను విడుదల చేశారు. తాజాగా ముఫ్తీని కూడా ఆమె స్వగృహానికి మార్చారు.

ఇదీ చదవండి:హజ్​యాత్ర సొమ్ముతో అన్నార్తులకు సాయం