సౌదీ ప్రమాదంలో భారతీయులు ఉన్నారా!

సౌదీ అరేబియా రోడ్డు ప్రమాదంలో భారతీయులు ఎవరైనా ఉన్నారేమోనని వివరాలు ఆరా తీస్తున్నట్లు విదేశాంగ శాఖ వెల్లడించింది. జెద్దాహ్​లోని భారత దౌత్య కార్యాలయం ద్వారా వివరాలు సేకరిస్తున్నామని తెలిపింది. 35మంది ప్రాణాలు కోల్పోయిన ఈ ప్రమాదంపై దిగ్భ్రాంతి వ్యక్తం చేశారు ప్రధానమంత్రి నరేంద్ర మోదీ.

సౌదీ అరేబియాలో జరిగిన ఘోర రోడ్డు ప్రమాదంలో 35 మంది విదేశీయులు ప్రాణాలు కోల్పోయారు. ఈ ప్రమాదంలో భారతీయులెవరైనా ఉన్నరా? అనే విషయంపై ఆరా తీస్తున్నామని విదేశాంగ శాఖ వెల్లడించింది. సౌదీ జెద్దాహ్​ నగరంలోని భారత దౌత్య కార్యాలయం ద్వారా వివరాలు తెలుసుకుంటున్నట్లు విదేశాంగ మంత్రి జయ్​శంకర్​ ట్వీట్​ చేశారు. ప్రమాదంలో మరణించిన వారి కుటుంబాలకు ప్రగాఢ సానుభూతి ప్రకటించారు.

విదేశాంగ మంత్రి జయ్​శంకర్​ ట్వీట్​

ప్రధాని దిగ్భ్రాంతి..

రోడ్డు ప్రమాదంలో 35 మంది మృతి చెందిన వార్త తనను కలిచివేసిందని ఆవేదన వ్యక్తం చేశారు ప్రధానమంత్రి నరేంద్ర మోదీ. మృతుల కుటుంబాలకు ప్రగాఢ సానుభూతి తెలిపారు. గాయపడిన వారు త్వరగా కోలుకోవాలని ట్వీట్​ చేశారు.

మోదీ ట్వీట్​

ఇదీ చూడండి: సౌదీలో ఘోర రోడ్డు ప్రమాదం- 35మంది మృతి