క్వారంటైన్ సెంటర్​ సాక్షిగా 'కాజల్- ఓంప్రకాశ్​'ల కల్యాణం

కరోనా మహమ్మారి కారణంగా పెళ్లిళ్లకు కొత్త వేదికలు పుట్టుకొస్తున్నాయి. లాక్​డౌన్​కు ముందే నిశ్చయించిన వివాహాలను వాయిదా వేయలేక.. ఏదో ఒక విధంగా జరిపించేస్తున్నారు పెద్దలు. తాజాగా అసోంలో ఇలాంటి వినూత్న వివాహ వేడుక జరిగింది. క్వారంటైన్ సెంటర్​ వీరి పెళ్లికి వేదికైంది.

పెళ్లిళ్లు స్వర్గంలో నిర్ణయిస్తే భూమి మీద జరుగుతాయని పెద్దలు చెబుతుంటారు. ఇదేంటో గానీ, కరోనా తెచ్చిన కర్మ వల్ల పెళ్లిళ్లు ఎక్కడ నిర్ణయించినా.. ఎవ్వరూ ఊహించని ప్రదేశాల్లో జరుగుతున్నాయి. పోలీస్ స్టేషన్లు, చెక్​పోస్ట్​లు, వీడియో కాలింగ్ యాప్​లు... ఇలా 'కాదేదీ పెళ్లి వేదికకు అనర్హం' అని చెప్పుకోవాల్సి వస్తోంది. లాక్​డౌన్ నేపథ్యంలో అసోంలో ఇలాంటి వినూత్న వివాహమే జరిగింది. ఓ సరికొత్త వేదిక... పెళ్లికి ఆతిథ్యమిచ్చింది.

ఏం జరిగిందంటే?

అసోం ధుబ్రి జిల్లాకు చెందిన కాజల్ సాహా​, బంగాల్​ జల్​పైగుడికి చెందిన ఓంప్రకాశ్​​ల వివాహం క్వారంటైన్ సెంటర్ సాక్షిగా జరిగింది. చాలా రోజుల క్రితమే వీరి పెళ్లి నిశ్చయించారు పెద్దలు. అందరిలాగే వీరి పెళ్లికీ లాక్​డౌన్ విలన్​గా మారింది. దీంతో చేసేదేమీ లేక, లాక్​డౌన్ పూర్తయ్యే వరకు నిరీక్షించలేక పెళ్లి కానిచ్చేశారు.

క్వారంటైన్ సెంటర్​లో వివాహం

క్వారంటైన్ సెంటర్​లో వివాహం

క్వారంటైన్ సెంటర్​లో ఇలా

పెళ్లి పెద్దలంతా అసోం, బంగాల్​ సరిహద్దులోని ఛగోలియా ప్రాంతానికి శనివారం చేరుకున్నారు. ఈ విషయాన్ని తెలుసుకున్న అధికారులు పెళ్లి ఆపే ఉద్దేశం లేక.. వివాహానికి అనుమతించారు. అంతేగాక అధికారులే పెళ్లిపెద్దలుగా మారారు. వధూవరులను దగ్గర్లోనే ఉన్న క్వారంటైన్ సెంటర్​కు పిలిపించి వివాహం జరిపించారు.

దండలు మార్చుకుంటున్న వధూవరులు

క్వారంటైన్ సెంటర్​లో వివాహం జరిగినప్పటికీ సంతోషంగానే ఉందని చెప్పుకొచ్చింది ఈ కొత్త జంట. మాస్కులు ధరించి, వ్యక్తిగత దూరం పాటిస్తూ పెళ్లి వేడుక జరుపుకోవడం కొత్తగా ఉందన్నారు.

నవ వధూవరులు