రహదారి నిర్మాణ యంత్రాలను తగలబెట్టిన నక్సల్స్

ఒడిశాలో అధికార యంత్రాంగాన్ని లక్ష్యంగా చేసుకొని నక్సలైట్లు దుశ్చర్యలకు పాల్పడ్డారు. రహదారి నిర్మాణ యంత్రాలను తగలబెట్టారు. అడ్డుకున్న కార్మికులను చితకబాదారు. రహదారి నిర్మాణ పనులను తక్షణమే నిలిపివేయాలని డిమాండ్​ చేస్తూ పోస్టర్లు అంటించారు.

ఒడిశా రాయ్‌గఢ్ జిల్లాలో మావోయిస్టులు దుశ్చర్యకు పాల్పడ్డారు. నియామ్‌గిరి ప్రాంతంలో రహదారి నిర్మాణం కోసం తీసుకువచ్చిన రెండు జేసీబీ యంత్రాలు, ఒక రోలర్‌, కాంక్రీట్‌ మిక్సర్​ను తగలబెట్టారు. నక్సల్స్ దుశ్చర్యలను అడ్డుకోవడానికి కార్మికులు ప్రయత్నించగా... వారిని చితకబాదారు.

రహదారి నిర్మాణాన్ని ఆపాలని అధికారులను బెదిరిస్తూ మావోయిస్టులు పోస్టర్లు అంటించారు. సమాచారం అందుకున్న భద్రతా దళాలు... ఆ ప్రాంతంలో గాలింపు చర్యలు చేపట్టాయి.

రహదారి పనులను ఆపాలని పోస్టర్లను అంటించిన మావోలు

మావోయిస్టులు నిప్పుపెట్టిన జేసీబీ

దగ్ధమైన జేసీబీ

కాలిపోయిన కాంక్రీట్​ మిక్సర్​

ఇదీ చూడండి:అమ్మభాషకు ఆలంబన.. విశిష్ట అధ్యయన కేంద్రం ఆరంభం