పెళ్లైన మూడో రోజే కరోనా పాజిటివ్​

మహారాష్ట్రలో ఓ పెళ్లింట్లో కరోనా కలకలం రేపింది. మూడు రోజుల క్రితం పెళ్లి చేసుకొని ఆనందంగా ఉన్న ఓ యువకుడికి కరోనా సోకింది. దీంతో పెళ్లికుమార్తె సహా, 63 మందిని నిర్బంధంలోకి పంపారు స్థానిక అధికారులు.

దేశంలో అత్యధిక కరోనా కేసులకు కేరాఫ్​గా నిలిచిన మహారాష్ట్రలో ఓ నవవరుడికి మహమ్మారి సోకింది. దీంతో వధువు సహా, పెళ్లికి హాజరైన బంధువులందరూ క్వారంటైన్​లోకి వెళ్లే పరిస్థితి ఏర్పడింది.

పాల్​ఘర్​లోని ఓ ఆసుపత్రిలో ల్యాబ్​ అసిస్టెంట్​గా పని చేస్తున్న ఓ యువకుడికి మూడు రోజుల క్రితమే పెళ్లైంది. వివాహానికి ముందు కరోనా పరీక్షలు నిర్వహించినప్పుడు.. నెగటివ్​గానే తేలింది. కానీ, పెళ్లైన 3 రోజుల తర్వాత అతడి నమూనాల్లో కరోనా వైరస్​ ఉన్నట్లు నిర్ధరణ అయ్యింది. దీంతో అతడి భార్య, 63 మంది బంధువులను నిర్బంధంలోకి పంపారు అధికారులు.

పాల్​ఘర్​ జిల్లాలో ఇప్పటికే 1911 మందికి కరోనా సోకింది. వీరిలో 61 మంది మృతి చెందారు.

ఇదీ చదవండి:ఒకే రోజు 'ఏడు' బాల్య వివాహాలకు చెక్​