వాట్సాప్​ స్టేటస్​లో కరోనా బాధితుల ఫొటో- చివరికి..

కర్ణాటకలోని విజయపుర జిల్లాకు చెందిన ఓ విద్యార్థినికి వైరస్​ సోకిందని.. ఆమె ఫొటోను తన వాట్సాప్​ స్టేటస్​గా పెట్టుకున్నాడు అనిల్​ రాథోడ్​ అనే వ్యక్తి. బాధితుల వివరాలను బహిర్గతం చేయడం నేరమని పోలీసులు అతడిని అరెస్టు చేశారు.

ఓ 24ఏళ్ల వ్యక్తి.. కరోనా బాధితురాలికి సంబంధించిన ఫొటోను తన వాట్సాప్​ స్టేటస్​లో పెట్టుకున్నాడు. అంతేకాకుండా ఆ స్టేటస్​లో రోగిపై అసభ్యకరమైన మాటలు రాశాడు. చివరికి పోలీసులు అతడిని అరెస్టు చేశారు.

వైరస్​ సోకిందని...

కర్ణాటకలోని విజయపుర జిల్లాకు చెందిన 24ఏళ్ల అనిల్​ రాథోడ్​.. ఓ విద్యార్థిని ఫొటోను వాట్సాప్​ స్టేటస్​లో పెట్టాడు. ఆమె వైరస్​ పాజిటివ్​ అని క్యాప్షన్​లో రాశాడు. ఈ విధంగా ప్రవర్తించి అతడు ప్రజల్ని.. భయాందోళనకు గురి చేయడానికి ప్రయత్నించిన కారణంగానే అదుపులోకి తీసుకున్నట్లు తెలిపారు పోలీసులు. విద్యార్థినిని కించపరచడానికే అతడు.. ఫొటోను వైరల్​ చేసినట్టు వివరించారు.

"కరోనా వైరస్​ బాధితుల వివరాలు, ఫొటోలను ప్రజా వేదికల్లో పెట్టడం, వారి గుర్తింపును బహిర్గతం చేయడం నేరం. అసత్య ప్రచారాలతో భయాందోళనలు రేకెత్తించిన అనిల్​పై కేసు నమోదు చేశాం."

--- పోలీసు అధికారి.

ఇదీ చూడండి:-ఆ బాధలో 17వ అంతస్తు నుంచి దూకాలనుకుంది.. కానీ!