బెంగాల్​: జూడాలకు మమత డెడ్​లైన్

బంగాల్​లో సమ్మెకు దిగిన జూనియర్​ డాక్టర్లపై ఆగ్రహం వ్యక్తం చేశారు ఆ రాష్ట్ర ముఖ్యమంత్రి మమతా బెనర్జీ. నాలుగు గంటల్లో విధులకు హాజరు కాకపోతే చట్ట ప్రకారం చర్యలు తీసుకుంటామని హెచ్చరించారు.

జూనియర్​ డాక్టర్ల సమ్మెపై బంగాల్ సీఎం మమతా బెనర్జీ ఆగ్రహం వ్యక్తంచేశారు. నాలుగు గంటల్లో సమ్మె విరమించకపోతే చట్ట ప్రకారం చర్యలు తీసుకుంటామని హెచ్చరించారు. ఓ వైద్య కళాశాలలో జూనియర్​ డాక్టర్లపై పేషెంట్​ బంధువుల దాడికి నిరసనగా సమ్మెను ప్రారంభించారు వైద్యులు. మూడు రోజులుగా కళాశాల ప్రాంగణంలో ఆందోళన చేపడుతున్నారు.

జూడాల డిమాండ్​ పట్ల ఆగ్రహం వ్యక్తం చేసిన మమత తక్షణం ఆందోళన విరమించాలని ఆదేశించారు.

"నాలుగు గంటల్లో వైద్యులందరూ విధుల్లో చేరాలి. లేదా చట్టప్రకారం చర్యలు తీసుకుంటాం. ఆసుపత్రులు, వైద్యకళాశాలల్లో బయటివారు వచ్చి గందరగోళం సృష్టిస్తున్నారు. ఈ ప్రదేశాల్లో రోగులు, వైద్యులే ఉండేలా పోలీసులు చూడాలి. వైద్యుల సమ్మె భాజపా, సీపీఎంల ఉమ్మడి కుట్ర."

-మమతా బెనర్జీ, బంగాల్​ సీఎం

ఇదీ చూడండి: బార్​ కౌన్సిల్​ అధ్యక్షురాలిని హత్య చేసిన న్యాయవాది