'గడువు తీరిన ప్రధానితో వేదిక పంచుకోవాలా?'

బంగాల్​లోని ఖరగ్​పూర్​లో ఫొని తుపాను ప్రభావాన్ని సమీక్షించడం వల్లే ప్రధాని మోదీ ఫోన్​ కాల్స్​కు స్పందించలేదని మమతా బెనర్జీ చెప్పారు. విపత్తుపై సమీక్ష కోసం కలైకుండకు రావాలని ప్రధాని అనడాన్ని మమత తప్పుబట్టారు. మోదీ పిలిచిన ప్రతి చోటకు వెళ్లడానికి నౌకర్లమా అని ప్రశ్నించారు.

ప్రధానమంత్రి నరేంద్ర మోదీ- బంగాల్​ ముఖ్యమంత్రి మమతా బెనర్జీ మధ్య మాటల యుద్ధం తీవ్రమైంది. ఫొని తుపాను నేపథ్యంలో మోదీ ఫోన్​ కాల్స్​ వ్యవహారంపై ఎట్టకేలకు స్పందిస్తూ... ప్రధానిపై తీవ్ర విమర్శలు చేశారు దీదీ. కోల్​కతాలోని ముఖ్యమంత్రి కార్యాలయాన్ని మోదీ సంప్రదించిన సమయంలో తాను ఖరగ్​పూర్​లో విపత్తు ప్రభావాన్ని సమీక్షిస్తున్నట్టు వివరించారు.

ఫొని తుపాను ప్రభావంపై చర్చించడానికి రెండు సార్లు ప్రయత్నించినప్పటికీ మమత స్పందించలేదని ప్రధాని అన్నారు. చివరకు బంగాల్​ గవర్నర్​తో చర్చలు జరిపినట్టు తెలిపారు.

మమ్మల్ని పనివాళ్లు అనుకుంటున్నారా?

కలైకుండలో చర్చలు జరపడానికి ప్రధాని సంప్రదించినట్టు దీదీ తెలిపారు. ఆ సమయంలో తాను ఝార్​గ్రామ్​లో ఎన్నికల ప్రచారం నిర్వహిస్తున్నట్టు వివరించారు.

" మోదీ పిలిచిన ప్రతి చోటకు వెళ్లడానికి మేము పనివాళ్లమా? నేను సహకరించలేదని, స్పందించలేదని నాపై ఆరోపణలు చేస్తారు. ఝార్​గ్రామ్​లో నా ఎన్నికల ప్రచారం ఎప్పుడో ఖరారైంది. ఒడిశాలో ఎన్నికలు ముగిసినా... బంగాల్​లో కొనసాగుతూనే ఉన్నాయి. ఎన్నికల సమయంలో గడువు తీరిన ప్రధానితో అసలు నేను ఎందుకు వేదిక పంచుకోవాలి?"
--- మమతా బెనర్జీ, బంగాల్​ ముఖ్యమంత్రి.

ఇదీ చూడండి: భూలోకమా... పూలతో నిండిన స్వర్గమా..?