కరోనా రూల్స్ బ్రేక్ చేస్తే వ్యాసం రాయాల్సిందే..

కరోనా వ్యాప్తిని అరికట్టేందుకు మధ్యప్రదేశ్​లోని గ్వాలియర్ జిల్లా యంత్రాంగం​ వినూత్న చర్యలు చేపట్టింది. కొవిడ్​ నిబంధనలు ఉల్లంఘించిన వారితో కరోనాపై వ్యాసం రాయిస్తున్నారు అక్కడి అధికారులు.

దేశంలో కరోనా వ్యాప్తిని అరికట్టేందుకు మాస్కులు, భౌతిక దూరం నిబంధనల్ని కట్టుదిట్టం చేసింది కేంద్రం. అయితే.. వీటిని మరింత పటిష్ఠంగా అమలు చేసేందుకు సన్నద్ధమైంది మధ్యప్రదేశ్​లోని గ్వాలియర్​ జిల్లా యంత్రాంగం. కొవిడ్​ నిబంధనలు ఉల్లంఘించిన వారిని వినూత్నంగా శిక్షిస్తున్నారు అక్కడి అధికారులు. జాగ్రత్తలు పాటించని వారిని ఓపెన్​ జైలుకు పంపి, కరోనాపై వ్యాసం రాయిస్తున్నారు.

కరోనా నియంత్రణ చర్యల్లో భాగంగా 'రోకో-టోకో' కార్యక్రమాన్ని చేపట్టింది జిల్లా యంత్రాంగం. వైరస్​పై అవగాహన కల్పించడం సహా.. కొవిడ్​ నిబంధనల్ని పక్కాగా అమలు చేయడమే దీని ఉద్దేశం. అందులో భాగంగా ఈ నెల 5న(శనివారం) మాస్కులు లేకుండా కనిపించిన 20మందిని జిల్లాలోని కెప్టెన్​ రూప్​ సింగ్​ స్టేడియంకు(ఓపెన్​ జైలు)కు తరలించారు. అనంతరం వారితో కొవిడ్​-19పై వ్యాసం రాయించారు.

ఇదీ చదవండి:ఫుట్​బాల్​ను ఆటాడేసిన 'అఖిల'కు ప్రపంచ రికార్డు