వర్షాలకు ముంబయి గజగజ- ఐఎండీ రెడ్​ అలర్ట్​

మహారాష్ట్ర వ్యాప్తంగా వర్ష బీభత్సం కొనసాగుతూనే ఉంది. గురువారం భారీ నుంచి అతి భారీ వర్షాలు కురుస్తాయని వాతావరణ శాఖ తెలిపింది. ముందుజాగ్రత్తగా ముంబయి సహా ఉత్తర కొంకణ్​ ప్రాంతంలో రెడ్​ అలర్ట్​ను ప్రకటించింది.

మహారాష్ట్రలో వర్ష విలయం కొనసాగుతోంది. భారీ వర్షాలతో జనజీవనం అతలాకుతలమవుతోంది. గురువారం ఆ రాష్ట్రంలో భారీ నుంచి అతి భారీ వర్షాలు కురుస్తాయని భారత వాతావరణ శాఖ హెచ్చరించింది. ముంబయి, ఠానే నగరాలతో సహా ఉత్తర కొంకణ్​ ప్రాంతంలో రెడ్​ అలర్ట్​ను ప్రకటించింది.

కొనసాగుతున్న సహాయక చర్యలు..

భారీ వానలతో ముంబయిలోని లోతట్టు ప్రాంతాలన్నీ జలమయమయ్యాయి. పుణె జిల్లాలోని నిమగాన్​ కేత్కి గ్రామంలో వరదల నుంచి బుధవారం.. 40 మందిని అధికారులు సురక్షిత ప్రాంతానికి తరలించారు.

"పుణెలో 40 మందిని వరద విలయం నుంచి కాపాడాము. వరద ప్రభావిత ప్రాంతమైన నిమగాన్​ కేత్కిలో మరో 15 మందిని రక్షించడానికి సహాయక చర్యలు కొనసాగుతున్నాయి. "

-- బారామతి సబ్​ డివిజినల్​ అధికారి.

ఇందాపుర్​లో వరదలతోపాటు కొట్టుకుపోతున్న ఇద్దరు వ్యక్తులను అధికారులు కాపాడారు.

ఇదీ చూడండి:రైల్వే ప్రయాణికులకు హెచ్చరిక-ఇవి తప్పనిసరి..