మహారాష్ట్ర డిప్యూటీ సీఎంకు కరోనా

మహారాష్ట్ర డిప్యూటీ సీఎం అజిత్​ పవార్​కు కరోనా పాజిటివ్​గా ​ నిర్ధరణ అయ్యింది. ప్రస్తుతం ఆయన ఆసుపత్రిలో చికిత్స పొందుతున్నారు.

మహారాష్ట్ర డిప్యూటీ సీఎం, రాష్ట్ర ఆర్థిక శాఖ మంత్రి అజిత్​ పవార్ కరోనా బారిన పడ్డారు. సోమవారం నిర్వహించిన పరీక్షల్లో కరోనా పాజిటివ్​గా తేలింది. ఈ విషయాన్ని స్వయంగా ఆయనే తెలిపారు. ప్రస్తుతం పవార్​ ఆరోగ్య పరిస్థితి నిలకడగానే ఉందని రాష్ట్ర ఆరోగ్య శాఖ మంత్రి రాజేష్​ తోపె తెలిపారు.

"నాకు కరోనా పాజిటివ్​గా నిర్ధరణ అయ్యింది. ప్రస్తుతం నా ఆరోగ్యం నిలకడగానే ఉంది. వైద్యుల సలహా మేరకు బ్రీచ్​ క్యాండీ ఆసుపత్రిలో చేరాను. పార్టీ కార్యకర్తలు, రాష్ట్ర ప్రజలు ఆందోళన చెందాల్సిన అవసరం లేదు. కొన్నిరోజుల విశ్రాంతి తరువాత వస్తాను."

---అజిత్ పవార్ మహారాష్ట్ర డిప్యూటీ సీఎం.