మహాలో సుస్థిర ప్రభుత్వాన్ని కొనసాగిస్తాం: ఫడణవీస్

మహారాష్ట్రలో మరో ఐదేళ్లు సుస్థిర పాలన అందిస్తామని ముఖ్యమంత్రి దేవేంద్ర ఫడణవీస్ ఉద్ఘాటించారు. ప్రజలకు మంచి పాలన అందించేందుకు కట్టుబడి ఉంటామని స్పష్టం చేశారు.

ప్రధాని నరేంద్రమోదీతో ఏదైనా సాధ్యమేనని మహారాష్ట్ర ముఖ్యమంత్రి దేవేంద్ర ఫడణవీస్ పేర్కొన్నారు. మహారాష్ట్రలో నెలకొన్న ప్రతిష్టంభనకు తెరదించుతూ ముఖ్యమంత్రిగా ప్రమాణ స్వీకారం చేసిన ఆయన.. ముంబయిలోని భాజపా రాష్ట్ర కార్యాలయానికి చేరుకున్నారు.

భాజపా గెలుపునకు కారణమైన కార్యకర్తలకు కృతజ్ఞతలు తెలిపారు ఫడణవీస్. రాష్ట్రంలో మరో ఐదేళ్లు బలమైన ప్రభుత్వాన్ని కొనసాగిస్తామని స్పష్టం చేశారు.

"ఇది నిజం.. మన స్నేహితులు ఇప్పుడు మనతో లేరు. మరో ఐదేళ్లు రాష్ట్రంలో సుస్థిరమైన ప్రభుత్వాన్ని అందించటమే మా లక్ష్యం. మద్దతు తెలిపినందుకు అజిత్​ పవార్​కు కృతజ్ఞతలు. మహారాష్ట్ర ప్రజల ఆకాంక్షలకు అనుగుణంగా కట్టుబడి ఉంటాం. ప్రధాని నరేంద్రమోదీ నేతృత్వంలో ఏదైనా సాధించగలం. "

-దేవేంద్ర ఫడణవీస్, మహారాష్ట్ర ముఖ్యమంత్రి

ఇదీ చూడండి: సేనకు ఊహించని షాక్​- 'థ్రిల్లర్​'ను తలపించిన రాజకీయం