09:04 July 21
మాయావతి సంతాపం..
లాల్జీ టండన్ మృతి పట్ల సంతాపం తెలిపారు బీఎస్పీ అధినేత్రి మాయావతి. ఆయన గొప్ప సాంస్కృతిక, సామాజిక వ్యక్తి అని గుర్తు చేసుకున్నారు. తన అన్నయ్యను కోల్పోవటం బాధకలిగించిందని తెలిపారు.
2003లో ఉత్తర్ప్రదేశ్ ముఖ్యమంత్రిగా మాయావతి ఉన్న సమయంలో రాఖీ పండగ సందర్భంగా.. అప్పటి కేంద్ర పట్టణాభివృద్ధి శాఖ మంత్రి లాల్జీ టండన్కు రాఖీ కట్టారు మాయావతి.
08:52 July 21
రాష్ట్రపతి సంతాపం..
మధ్యప్రదేశ్ గవర్నర్ లాల్జీ టండన్ మృతి పట్ల ఆయన కుటుంబ సభ్యులు, సన్నిహితులకు సంతాపం ప్రకటించారు రాష్ట్రపతి రామ్నాథ్ కోవింద్. లఖ్నవూ అధునాత సాంస్కృతికత, రాజకీయ చతురత కలిగిన గొప్ప నేతను మనం కోల్పోయామన్నారు. ఆయన మృతితో తీవ్ర క్షోభకు గురయ్యాయనని తెలిపారు.
08:36 July 21
దేశం ఒక గొప్ప నేతను కోల్పోయింది..
మధ్యప్రదేశ్ గవర్నర్ లాల్జీ టండన్ మరణవార్త తనకు బాధకలిగించిందన్నారు ఉత్తర్ప్రదేశ్ ముఖ్యమంత్రి యోగి ఆదిత్యనాథ్. ఆయన మరణంతో దేశం ఒక గొప్ప పాలకుడు, సామాజిక కార్యకర్తను కోల్పోయిందన్నారు. ఆయన ఆత్మకు శాంతి చేకూరాలని ప్రార్థించారు. లాల్జీ కుటుంబానికి సంతాపం తెలిపారు.
08:17 July 21
మోదీ సంతాపం..
మధ్యప్రదేశ్ గవర్నర్ లాల్జీ టండన్ మృతి పట్ల ఆయన కుటుంబానికి సంతాపం ప్రకటించారు ప్రధానమంత్రి నరేంద్ర మోదీ. సమాజ సేవకే తన జీవితాన్ని అంకితం చేశారని గుర్తు చేసుకున్నారు. ఉత్తర్ ప్రదేశ్లో భాజపాను బలోపేతం చేయటంలో కీలక పాత్ర పోషించారని, సమర్థవంతమైన నేతగా ఆయన గుర్తింపు తెచ్చుకున్నారని తెలిపారు. ఎప్పుడూ ప్రజాసంక్షేమానికే ప్రాముఖ్యత ఇస్తారని పేర్కొన్నారు.
07:46 July 21
జూన్ 11నే ఆస్పత్రిలో చేరిక..
అనారోగ్యం కారణాలతో జూన్ 11న ఉత్తర్ప్రదేశ్ లఖ్నవూలోని మేదాంత ఆస్పత్రిలో చేరారు గవర్నర్ లాల్జీ. 15న పరిస్థితి కాస్త విషమించింది. అనంతరం.. ఆయనను వెంటిలేటర్పై ఉంచి చికిత్స అందించారు. పరిస్థితి మరింత క్షీణించగా మంగళవారం ఉదయం కన్నుమూశారు.
07:23 July 21
మధ్యప్రదేశ్ గవర్నర్ లాల్జీ టండన్ కన్నుమూత
మధ్యప్రదేశ్ గవర్నర్ లాల్జీ టండన్(85) కన్నుమూశారు. కొద్దిరోజులుగా అనారోగ్యంతో బాధపడుతున్న ఆయన.. ఇవాళ ఉదయం మరణించినట్లు లాల్జీ కుమారుడు ఆశుతోష్ టండన్ ధ్రువీకరించారు.
