మధ్యప్రదేశ్​లోని హోటల్​లో భారీ అగ్ని ప్రమాదం

మధ్యప్రదేశ్​ ఇండోర్​లోని గోల్డెన్​ గేట్​ హోటల్​లో భారీ అగ్ని ప్రమాదం సంభవించింది. హోటల్​లో చిక్కుకున్న 12 మందిని రక్షించారు అగ్నిమాపక సిబ్బంది. మంటలు ఆర్పేందుకు తీవ్రంగా శ్రమిస్తున్నారు.

మధ్యప్రదేశ్​లో భారీ అగ్ని ప్రమాదం జరిగింది. ఇండోర్ విజయ్​ నగర్​ ప్రాంతంలోని గోల్డెన్​ గేట్​ హోటల్ 5 అంతస్తులకు మంటలు వ్యాపించాయి.

సమాచారం అందుకున్న అగ్ని మాపక సిబ్బంది ఘటనా స్థలానికి చేరుకుని 12 మందిని రక్షించారు. ఇంకా కొంత మంది మంటల్లో చిక్కుకుని ఉండొచ్చని అనుమానిస్తున్నారు.

భారీగా ఎగిసిపడుతున్న జ్వాలలను అదుపు చేసేందుకు తీవ్రంగా శ్రమించాల్సి వస్తోంది.

ఇదీ చూడండి: పోలీసుల సంక్షేమానికి తగిన చర్యలు: అమిత్​ షా