గుజరాత్లో ఘోర రోడ్డు ప్రమాదం జరిగింది. విహారయాత్రకు వెళ్తున్న క్రమంలో ఓ బస్సు అదుపుతప్పి బోల్తా పడింది. ఈ ఘటనలో 23 మంది విద్యార్థులు సహా ఉపాధ్యాయులు తీవ్రంగా గాయపడ్డారు. హుటాహుటిన ఘటనాస్థలానికి చేరుకున్న స్థానికులు క్షతగాత్రులను ఆస్పత్రికి తరలించారు.
అంక్లేశ్వర్ సమీపంలోని అమ్రత్పుర గ్రామానికి చెందిన ప్రాథమిక పాఠశాల విద్యార్థులు సపుతారా ప్రాంతానికి విహారయాత్రకు వెళ్తున్నారు. బస్సు చిఖాలి సమీపంలో అదుపుతప్పి పల్టీలు కొట్టింది. ఈ ఘటనలో చిన్నారులు తీవ్రంగా గాయపడ్డారు. ప్రమాదం జరిగిన సమయంలో బస్సులో 54 మంది విద్యార్థులు ఉన్నట్లు స్థానికులు తెలిపారు.
ఇదీ చూడండి: అమ్మ, నాన్న... ఓ 'పాకిస్థానీ' శిశువు!
