స్థాయి సంఘానికి దివాలా చట్ట సవరణ బిల్లు

దివాలా చట్టం సవరణ బిల్లును స్టాండింగ్ కమిటీకి ప్రతిపాదించారు లోక్​సభ స్పీకర్ ఓంబిర్లా. మూడు నెలల్లో బిల్లుపై నివేదిక సమర్పించాలని జయంత్​ సిన్హా నేతృత్వంలోని కమిటీని ఆదేశించారు. దివాలా చట్టంతోపాటు మరో నాలుగు బిల్లులను వివిధ స్టాండింగ్ కమిటీలకు సిఫార్సు చేశారు స్పీకర్.

దివాలా చట్ట సవరణ (రెండో సవరణ) బిల్లును స్థాయి సంఘానికి (స్టాండింగ్​ కమిటీ) ప్రతిపాదిస్తూ లోక్​సభ స్పీకర్ ఓంబిర్లా నిర్ణయం తీసుకున్నారు. బిల్లును పరిశీలించాల్సిందిగా భాజపా ఎంపీ జయంత్​ సిన్హా నేతృత్వంలోని కమిటీకి సిఫార్సు చేశారు. మూడు నెలల్లో బిల్లుపై నివేదిక సమర్పించాలని ఆదేశించారు. కేబినెట్​లో ఆమోదం పొందిన ఈ బిల్లును తాజాగా ముగిసిన శీతాకాల సమావేశాల్లో లోక్​సభలో ప్రవేశపెట్టింది కేంద్రం.

మరో నాలుగు బిల్లులు

దివాలా సవరణ బిల్లుతో పాటు శీతాకాల సమావేశాల్లో ప్రవేశపెట్టిన మరోనాలుగు బిల్లులనూ వివిధ స్టాండింగ్ కమిటీలకు స్పీకర్ ఓంబిర్లా సిఫార్సు చేసిట్లు లోక్​సభ సెక్రెటేరియెట్ ఓ ప్రకటనలో వెల్లడించింది. పైరసీ వ్యతిరేక బిల్లు, శ్రామికుల సంక్షేమ బిల్లు సహా తల్లితండ్రులు, వృద్ధుల సంరక్షణ బిల్లులను వివిధ కమిటీలకు సిఫార్సు చేసినట్లు లోక్​సభ పేర్కొంది.

సముద్ర దొంగలకు విధించే శిక్షలను కఠినతరం చేస్తూ ప్రవేశపెట్టిన సముద్ర పైరసీ వ్యతిరేక బిల్లునూ పార్లమెంట్ స్టాండింగ్ కమిటీకి సిఫార్సు చేశారు ఓంబిర్లా. ఈ బిల్లును డిసెంబర్ 9న విదేశాంగ మంత్రి జయ్​శంకర్ లోక్​సభలో ప్రవేశపెట్టారు.