భారత తొలి లోక్పాల్ జస్టిస్ పినాకి చంద్ర ఘోష్‌ దిల్లీలోని ఐదు నక్షత్రాల హోటల్ నుంచి బాధ్యతలు నిర్వర్తించనున్నారు. లోక్పాల్ చైర్ పర్సన్తో పాటు మిగతా సిబ్బంది కూడా అదే హోటల్ నుంచి కార్యకలాపాలు నిర్వహించనున్నారని అధికారులు తెలిపారు. ఇందుకోసం దిల్లీ చాణక్యపురిలోని 'ద అశోక్' హోటల్ను తాత్కాలిక కార్యాలయంగా వినియోగించనున్నారు.
గతనెల 23న రాష్ట్రపతి రామ్నాథ్ కోవింద్ సమక్షంలో దేశ మొట్టమొదటి లోక్పాల్గా జస్టిస్ పినాకి చంద్రఘోష్ ప్రమాణ స్వీకారం చేశారు. మిగతా లోక్పాల్ సభ్యులతో మార్చి 27న జస్టిస్ చంద్రఘోష్ ప్రమాణ స్వీకారం చేయించారు.
లోక్పాల్ సభ్యుల వీరే...
పారా మిలటరీ దళం ‘సశస్త్ర సీమా బల్‌’ (ఎస్‌ఎస్‌బీ) మాజీ అధిపతి అర్చనా రామసుందరం, మహారాష్ట్ర మాజీ ప్రధాన కార్యదర్శి దినేశ్‌ కుమార్‌ జైన్‌తోపాటు, మాజీ ఐఆర్ఎస్ అధికారి మహేంద్ర సింగ్‌, గుజరాత్ కేడర్ మాజీ ఐఏఎస్ అధికారి ఇందర్‌జీత్‌ ప్రసాద్‌ గౌతమ్‌, జస్టిస్ దిలీప్‌ బి భోసలే, జస్టిస్ ప్రదీప్‌ కుమార్‌ మహంతి, జస్టిస్ అభిలాషా కుమారి, జస్టిస్ అజయ్‌ కుమార్‌ త్రిపాఠిలు లోక్పాల్ సభ్యులుగా బాధ్యతలు నిర్వర్తించనున్నారు.
ప్రధానమంత్రి నరేంద్రమోదీ నేతృత్వంలోని ఎంపిక కమిటీ వీరి పేర్లను సిఫార్సు చేయగా, రాష్ట్రపతి భవన్ ఆమోదముద్ర వేసింది.
