గుజరాత్లో ఓటు హక్కు వినియోగించుకోనున్న భాజపా సీనియర్ నేతలు
సార్వత్రిక ఎన్నికల మూడో దశ పోలింగ్ మరికాసేపట్లో ప్రారంభం కానుంది. ఓటర్లందరూ తమ ఓటు హక్కు వినియోగించుకునేందుకు సిద్ధమయ్యారు. ఉదయం 7 నుంచి సాయంత్రం 5 గంటల వరకు ఓటింగ్ జరగనుంది.
ప్రధానమంత్రి సొంత రాష్ట్రమైన గుజరాత్లో ఒకే విడతలో 26 లోక్సభ స్థానాలకు ఓటింగ్ నిర్వహిస్తున్నారు. ఇక్కడి అహ్మదాబాద్లో ప్రధాని నరేంద్రమోదీ ఓటు హక్కు వినియోగించుకోనున్నారు. గాంధీనగర్ లోక్సభ పరిధి రనిప్ ప్రాంతంలోని ఓ పాఠశాల పోలింగ్ కేంద్రంలో మోదీ ఓటేయనున్నారు.
భాజపా ముఖ్య నేతలంతా ఉదయమే వారికి కేటాయించిన పోలింగ్ బూత్లలో ఓటేస్తారని.. పార్టీ ఒక ప్రకటన విడుదల చేసింది.