'ముగ్గురు భార్యలు, 12 మంది పిల్లలను పోషించలేకపోతున్నా'

లాక్​డౌన్​ వల్ల తన ముగ్గురు భార్యలను, 12మంది పిల్లలను పోషించలేకపోతున్నానని బిహార్​కు చెందిన మహ్మద్​ హుసేన్​ ఆవేదన వ్యక్తం చేశాడు. తాను రోజువారి కూలీనని.. ప్రభుత్వం తన కుటుంబానికి సహాయం చేయాలని కోరాడు.

కరోనా వైరస్​ కట్టడికి విధించిన లాక్​డౌన్​ వల్ల దేశవ్యాప్తంగా ప్రజలు తీవ్ర ఇబ్బందులు ఎదుర్కొంటున్నారు. పేద-ధనిక అనే భేదం లేకుడా ఈ లాక్​డౌన్​ తీవ్ర ప్రభావం చూపిస్తోంది. అయితే లాక్​డౌన్​ వల్ల తన ముగ్గురు భార్యలను, 12మంది పిల్లలను పోషించలేకపోతున్నానని వాపోతున్నాడు ఓ బిహార్​ వాసి.

మూడు పెళ్లిల్లు...

బిహార్​లోని అర్వాల్​ జిల్లాకు చెందిన మహ్మద్​ హుసేన్​.. ఓ రోజువారీ కూలీ. అతడు మూడు పెళ్లిళ్లు చేసుకున్నాడు. 12 మంది పిల్లలకు తండ్రి అయ్యాడు. అందరూ కలిసే ఉంటున్నారు. కూలీ పనులు చేసుకుంటూనే వారిని పోషించేవాడు మహ్మద్.

హుసేన్ సంతానం

కానీ లాక్​డౌన్​ వల్ల హుసేన్​ ఉపాధి కోల్పోయాడు. అప్పటి నుంచి కుటుంబ సభ్యులకు భోజనం కరవైంది. ప్రభుత్వ నుంచి కూడా సహాయం అందట్లేని చెబుతోంది హుసేన్​ భార్య.

"ప్రభుత్వం తరఫున మాకు ఎలాంటి సహాయం అందట్లేదు. రేషన్​ అందట్లేదు. కార్డు ఉన్నా లాభం లేదు. తొందరగా రేషన్​ ఇవ్వడం లేదు."

-- హుసేన్​ భార్య.

జిల్లా అధికారులు మాత్రం.. హుసేన్​ కుటుంబానికి రేషన్​ ఎప్పటికప్పుడు అందేదని తెలిపారు. కుటుంబంలో చాలా మంది ఉండటం వల్ల ఆ రేషన్​ వారికి సరిపోవట్లేదన్నారు.

'ముగ్గురు భార్యలు, 12మంది పిల్లలను పోషించలేకపోతున్నా'

ఇదీ చూడండి:-గృహ హింసపై ఫిర్యాదులపై వాట్సాప్​ నంబర్​