ఏరులై పారుతున్న మద్యం.. ఒక్కరోజే రూ.197కోట్ల అమ్మకాలు

కర్ణాటకలో మద్యం ఏరులై పారుతోంది. దాదాపు 40రోజుల అనంతరం మద్యం దుకాణాలు తెరుచుకోవడం వల్ల మందుబాబులు తమ 'మద్య' దాహాన్ని తీర్చుకుంటున్నారు. ఈ నేపథ్యంలో రాష్ట్రవ్యాప్తంగా రికార్డు స్థాయిలో కొనుగోళ్లు జరుగుతున్నాయి. మంగళవారం ఒక్కరోజే ఏకంగా రూ. 197కోట్ల మద్యం అమ్మకాలు జరిగాయి.

కర్ణాటకలో మందుబాబుల జోరు రోజురోజుకు పెరిగిపోతోంది. లాక్​డౌన్​ ఆంక్షలు సడలించిన తొలిరోజు(సోమవారం) రూ.45కోట్ల మద్యం అమ్మకాలు జరగ్గా.. రెండోరోజు రూ. 197కోట్ల అమ్మకాలు జరిగాయి. ఇది దాదాపు ఐదు రెట్లు ఎక్కువ.

ఎక్స్​జ్​ అధికారుల ప్రకారం... మంగళవారం 36.37 లక్షల లీటర్ల దేశీయ లిక్కర్​, రూ.182 కోట్ల విలువగల 7.02 లక్షల లీటర్ల బీరు అమ్ముడుపోయాయి. ఇంతటి భారీ స్థాయిలో కొనుగోళ్లు జరగడం చూసి అధికారులే ఆశ్చర్చపోతున్నారు.

దాదాపు 40రోజుల లాక్​డౌన్​ అనంతరం దేశవ్యాప్తంగా పలు ప్రాంతాల్లో మే 4 నుంచి మద్యం అమ్మకాలకు అనుమతులిచ్చింది కేంద్ర ప్రభుత్వం.

ఇదీ చూడండి:-ఎంత దయో మందుబాబులపై!