భారత మాజీ ప్రధాని, దివంగత నేత రాజీవ్ గాంధీ 76వ జయంతి సందర్భంగా ఆయనకు పలువురు ప్రముఖులు నివాళులర్పించారు.
ఆగస్టు 20న జన్మించిన రాజీవ్ గాంధీ.. 1984-89 మధ్య ప్రధానిగా బాధ్యతలు నిర్వర్తించారు. 1991లో ఎన్నికల ప్రచారంలో జరిగిన ఆత్మాహుతి దాడిలో ప్రాణాలు కోల్పోయారు.
ఆయన కృషి మరవలేనిది: వెంకయ్య
రాజీవ్ గాంధీ జయంతి సందర్భంగా ఆయన సేవలను గుర్తు చేసుకున్నారు ఉపరాష్ట్రపతి వెంకయ్యనాయుడు. ఐటీ రంగానికి ఆయన చేసిన కృషి ఎప్పుడూ గుర్తుండిపోతుందని పేర్కొన్నారు.
మోదీ నివాళులు..
రాజీవ్ గాంధీకి నివాళులర్పిస్తూ ట్వీట్ చేశారు ప్రధానమంత్రి నరేంద్ర మోదీ.
ముందుచూపుగల దార్శనికుడు: రాహుల్
రాజీవ్ గాంధీ ఉన్నత వ్యక్తిత్వం, ముందుచూపు గల దార్శనికుడని ఆయన కుమారుడు, కాంగ్రెస్ నేత రాహుల్ గాంధీ పేర్కొన్నారు. 'రాజీవ్ గాంధీ భవిష్యత్తును ఆలోచించే అద్బుతమైన దూరదృష్టి కలిగిన వ్యక్తి, అన్నిటినీ మించి ఆయనది కరుణ, ప్రేమించే తత్వం గల ఉత్తమ వ్యక్తిత్వం. ఆయన నాకు తండి కావటం నా అదృష్టం. నేను అందుకు గర్వపడుతున్నా. ఆయనను నేడు, రేపు, ప్రతిరోజు మిస్ అవుతూనే ఉంటాము' అని పేర్కొన్నారు రాహుల్.
బంగాల్ ముఖ్యమంత్రి మమతా బెనర్జీ, రాజస్థాన్ సీఎం అశోక్ గహ్లోత్, మధ్యప్రదేశ్ సీఎం శివరాజ్ సింగ్ చౌహాన్, కెప్టెన్ అమరిందర్ సింగ్ తదితరులు రాజీవ్ గాంధీని స్మరించుకున్నారు.
ఇదీ చూడండి:సరికొత్త చీర.. కట్టుకుంటే కరోనా రాదంట!
