ఇప్పటివరకు ఫుడ్ డెలివరీ బాయ్స్ చేరవేసిన ఆహారాన్ని దాదాపు అందరం రుచి చూసే ఉంటాం. కానీ, ఇంటిల్లిపాదికి ఒంటి చేత్తో వడ్డించేది వనితలు.. మరి హోటల్లో వండలేరా..? టంఛనుగా ఫుడ్ డెలివరీ చేయలేరా? అందుకే, మహిళలే కీలక పాత్ర పోషించేలా 'అన్నశ్రీ ఫుడ్ డెలివరీ యాప్'ను రూపొందించారు 'కేరళ కుడుంబశ్రీ ఫుడ్కోర్ట్స్' వారు.
ఇక ఆర్డర్ చేస్తే నిమిషాల్లో ఆహారంతో ప్రత్యక్షం
త్రిస్సూర్లో కుడుంబశ్రీ ఫుడ్ కోర్ట్స్ మహా ఫేమస్. కుడుంబశ్రీ సంస్థ మహిళల అభ్యుదయానికి పెద్దపీట వేస్తోంది. మహిళలు మాత్రమే నిర్వహించే కొన్ని హోటళ్లను వీరు ప్రారంభించారు. ఇప్పుడు అన్నశ్రీ యాప్ను ప్రవేశపెట్టారు. ఈ యాప్ను కుడుంబశ్రీతో కలిసి పనిచేస్తున్న స్వయం సహాయక బృందాల మహిళలు నడపడం విశేషం.