2,400 మీటర్ల ఎత్తయిన ప్రాంతంలో విషసర్పం

వెచ్చని ప్రాంతాల్లో నివాసముండే విషసర్పం.. మొట్టమొదటిసారి చాలా ఎత్తయిన ప్రదేశంలో దర్శనమిచ్చింది. ఉత్తరాఖండ్​ నైనిటాల్ జిల్లా ముక్తేశ్వర్​లో 2,400 మీటర్ల ఎత్తులో తాచుపాము కనిపించింది.

పొడవైన విషసర్పంగా పేరున్న తాచుపాము మొట్టమొదటిసారి చాలా ఎత్తయిన ప్రదేశంలో దర్శనమిచ్చింది. ఉత్తరాఖండ్​లోని నైనిటాల్​ జిల్లా ముక్తేశ్వర్​లో 2,400 మీటర్ల ఎత్తులో దీని జాడ కనిపించింది. ఇప్పటివరకు ఇలాంటి సర్పాలు కనిపించిన ప్రాంతాల్లో ఇదే ఎత్తయినది.

ఆ రాష్ట్ర అటవీ శాఖ ఇటీవల చేసిన అధ్యయనం ద్వారా ఈ విషయం తెలిసింది. సాధారణంగా విష సర్పాలు వెచ్చని వాతావరణంలో నివాసముంటాయి. అయితే శీతకాలంలో ముక్తేశ్వర్​లో సున్నా డిగ్రీల కన్నా తక్కువ ఉష్ణోగ్రత నమోదవుతుంది.

ఇప్పటివరకు సిక్కింలో 1,840 మీటర్లు, నీలగిరి కొండల్లో 1,830 మీటర్లు, మిజోరంలో 1,170 మీటర్ల ఎత్తులో ఉన్న ప్రాంతాల్లోనే ఇవి కనిపించాయి.

ఇదీ చూడండి:రోజువారీ కేసుల్లో ఆ దేశాలను దాటేసిన భారత్​