'ఆ కేరళ విద్యార్థినిని రాష్ట్ర అతిథిగా గౌరవిస్తాం​'

హిమాచల్​ ప్రదేశ్​ నుంచి ఆహ్వానాన్ని అందుకుంది ఓ కేరళ విద్యార్థిని. ఆమె పాడిన పాటకు ఫిదా అయిన హిమాచల్​ ప్రదేశ్​ ముఖ్యమంత్రి.. తమ రాష్ట్రానికి స్వాగతించారు. మధురమైన గానంతో.. తమ రాష్ట్ర ప్రజల మనసుల్ని గెలుచుకుందని ఆ బాలికను ప్రశంసించారు. రాష్ట్ర అతిథిగా సత్కరిస్తామన్నారు.

హిమాచల్​​ ప్రదేశ్​ ముఖ్యమంత్రి నుంచి కేరళలో తొమ్మిదో తరగతి చదివే అమ్మాయి ఆహ్వానాన్ని అందుకుంది. బాలిక పాటను మెచ్చుకున్న సీఎం జైరాం ఠాకూర్​.. ఆమెను తమ రాష్ట్రానికి స్వాగతించారు.

'ఏక్​ భారత్​ శ్రేష్ట్​ భారత్'​లో భాగంగా..

కేరళలోని కేంద్రీయ విద్యాలయంలో 9వ తరగతి చదివే అమ్మాయి దేవిక.. 'చంబా కిత్ని దూర్' అనే ప్రముఖ హిమాచల్​ గీతాన్ని​ ఆలపించింది. 'ఏక్​ భారత్​ శ్రేష్ట్​ భారత్​' కార్యక్రమంలో ఆమె ఈ పాటను పాడింది. వివిద ప్రాంతాల సంస్కృతి, భాషలపై అవగాహన కల్పించడానికి ఈ కార్యక్రమాన్ని నిర్వహిస్తున్నారు.

దేవిక పాడిన పాటను తన ఫేస్​బుక్​ ఖాతాలో ప్రశంసించారు ఆ రాష్ట్ర సీఎం జైరాం ఠాకూర్​.

"కేరళ అమ్మాయి దేవిక తన మధురమైన స్వరంతో.. ఈ పాట పాడి హిమాచల్​ ప్రదేశ్​ కీర్తిని రెట్టింపు చేసింది. తన పాటతో హిమాచల్​ వాసుల హృదయాలను గెలుచుకుంది. ఆమె కావాలనుకుంటే మా రాష్ట్రాన్ని సందర్శించొచ్చు. రాష్ట్ర అతిథి హోదా అందించి గౌరవిస్తాం. "

--- జైరాం ఠాకూర్​, హిమాచల్​ ప్రదేశ్​ ముఖ్యమంత్రి.

దేవికకు మంచి భవిష్యత్తు దక్కాలని జైరాం ఠాకూర్ ఈ సందర్భంగా​ అభినందించారు.

ఇదీ చూడండి:ఏకధాటిగా తబలా వాయించి గిన్నిస్​ రికార్డు