35రోజుల్లో 628కోర్సులు- కేరళ విద్యార్థిని ప్రపంచ రికార్డు

కేరళకు చెందిన ఓ విద్యార్థిని అరుదైన రికార్డు సాధించింది. కేవలం 35రోజుల్లోనే 628 ఆన్​లైన్​ కోర్సులను పూర్తి చేసి.. ప్రఖ్యాత 'అమెరికా​ బుక్​ ఆఫ్​ రికార్డ్స్​'లో చోటు సంపాదించింది.

కేరళ కాసరగోడ్​ జిల్లాకు చెందిన ఫాతిమా షమ్నా కేవలం 35రోజుల్లోనే 628ఆన్​లైన్ డిప్లోమా కోర్సులను పూర్తిచేసి ప్రపంచ రికార్డు నెలకొల్పింది. 'అమెరికా బుక్​ ఆఫ్ రికార్డ్స్​'లో చోటు సంపాదించింది. గతంలో 88రోజుల్లో 520కోర్సులను పూర్తి చేసిన రికార్డును తిరగరాసింది.

ఫాతిమా షమ్నా ప్రస్తుతం మెల్పరంబులోని ఎమ్​ఈఎస్​ కాలేజీలో ఎం​బీఏ మొదటి సంవత్సరం చదువుతోంది. లాక్​డౌన్​ కారణంగా కాలేజీ మూసివేయటంతో ఇంటినుంచే చదువును కొనసాగించింది. అమెరికన్​ యూనివర్సిటీ ఆఫ్​ మిషిగాన్​, యాలే, జార్జియా లో డిప్లోమా కోర్సులను ఆన్​లైన్​ ద్వారా అభ్యసించింది.

ఫాతిమా షమ్నా సాధించిన రికార్డు

రోజుకు 20కోర్సులు

ఫాతిమా ఆగష్టు 25 నుంచి ప్రతిరోజు కనీసం 20కోర్సులను పూర్తి చేసేది. ఆమె పూర్తిచేసిన కోర్సుల్లో సైన్స్​, గణితం, ఆరోగ్యం తదితర సబ్జెక్టులు ఉన్నాయి. ఈ రికార్డుతో 'పట్టుదల ఉంటే ఏదైనా సాధ్యం'అని నిరూపించింది. తనకు సహకరించిన కుటుంబ సభ్యులకు ధన్యవాదాలు తెలుపింది ఫాతిమా.