ఈత నేర్చుకోవడం ద్వారా మన ప్రాణాలతో పాటు ఇతరుల ప్రాణాలు కాపాడొచ్చు.. అనే సందేశమిస్తున్నాడు కేరళ కన్నూర్ జిల్లాకు చెందిన ఆరేళ్ల దరీస్ ప్రభు. పయ్యంబాలం తీరంలోని సముద్ర జలాల్లో ఛార్ల్సన్ స్విమ్మింగ్ అకాడమీ ఆధ్వర్యంలో జరుగుతున్న ఈత పోటీల్లో పాల్గొని అత్యుత్తమ ప్రదర్శన చేశాడు ఈ బుడతడు. 'ఈత నేర్చుకోండి.. ప్రాణాలు రక్షించే దేవుళ్లు కండి' అంటూ స్విమ్మింగ్ ప్రాధాన్యాన్ని చెప్పుకొచ్చాడు. జల ప్రమాదాలు జరిగినప్పుడు ఇతరులను కాపాడొచ్చని అభిప్రాయపడ్డాడు.
'ఈత నేర్చుకోవడానికి వయసుతో సంబంధం లేదు. స్విమ్మింగ్ వస్తే సొంతంగా రక్షణ పొందడమే కాకుండా.. తోటి వారి ప్రాణాలు కాపాడొచ్చు' అనే విషయాలను ప్రజలకు చేరువ చేయడానికి ఛార్ల్సన్ అకాడమీ ఈ పోటీలు నిర్వహిస్తుంది.
స్విమ్మింగ్ గురించి సందేశమిస్తున్న ఆరేళ్ల బాలుడు