జీపులో నుంచి రోడ్డుపై పడిన పసిపాప.. తర్వాత ఏమైంది?

ఆదమరిచి నిద్రపోతున్న ఓ చిన్నారి జీపు నుంచి పడిపోయి.. సురక్షితంగా బయటపడిన ఘటన కేరళలోని ఇడుక్కీ జిల్లాలో జరిగింది. ఏడుస్తూ తిరుగుతున్న పాపను అటవీశాఖ అధికారులు రక్షించారు. పాప పడిపోయిన దృశ్యాలు సీసీ కెమెరాల్లో రికార్డ్​ అయ్యాయి.

కేరళ ఇడుక్కీ జిల్లాలోని మున్నార్‌లో ఏడాదిన్నర వయస్సున్న ఓ చిన్నారి కదులుతున్న జీపు నుంచి కింద పడిపోయింది. అటవీ ప్రాంతం నుంచి వెళ్తున్న జీపు.. చిన్న మలుపు తిరిగిన సమయంలో తల్లి ఒడిలో నిద్రిస్తున్న ఆ చిన్నారి కిటికీలో నుంచి బయట పడిపోయింది. తల్లిదండ్రులు నిద్రలో ఉన్నకారణంగా ఈ విషయాన్ని గమనించలేదు.

పసిపాప బిక్కు బిక్కుమంటూ తిరుగుతుండగా.. అటవీశాఖ అధికారులు గమనించి కాపాడారు. ఆమెను పోలీసులకు అప్పగించారు. పోలీసులు స్వల్పంగా గాయపడిన చిన్నారికి చికిత్స అందించి... తల్లిదండ్రులకు అప్పగించారు.

ఈ ఘటనకు సంబంధించిన దృశ్యాలు సీసీ కెమెరాలో రికార్డయ్యాయి.

ఇదీ చూడండి: నిబంధనలు పాటించమని చెప్పిన ఎమ్మెల్యేకే జరిమానా​!