జమ్ముకశ్మీర్​లో ఎన్​కౌంటర్​- ఇద్దరు ముష్కరులు హతం

జమ్ముకశ్మీర్​ బందిపొరా జిల్లాలో భద్రతా దళాలు- ఉగ్రవాదుల మధ్య ఎదురుకాల్పులు జరిగాయి. ఈ ఎన్​కౌంటర్​లో ఇద్దరు ముష్కరులు హతమయ్యారు. ఘటనాస్థలం నుంచి భారీగా ఆయుధాలు, మందుగుండు సామగ్రి స్వాధీనం చేసుకున్నాయి భద్రతాబలగాలు.

జమ్ముకశ్మీర్​లో ఉగ్రవాదుల ఏరివేత కొనసాగుతోంది. తాజాగా బందిపొరా జిల్లాలో జరిగిన ఎదురుకాల్పుల్లో ఇద్దరు ముష్కరులను మట్టుబెట్టాయి బలగాలు.

బందిపొరాలో తీవ్రవాదులు తలదాచుకున్నారన్న సమాచారం మేరకు తనిఖీలు చేపట్టాయి భద్రతా బలగాలు. ఈ క్రమంలో జవాన్లపై కాల్పులకు తెగబడ్డారు ముష్కరులు. ఇరువర్గాల మధ్య జరిగిన భీకర పోరులో ఇద్దరు తీవ్రవాదులు హతమయ్యారు.

ఘటనాస్థలం నుంచి భారీగా మందుగుండు సామగ్రి, ఆయుధాలు స్వాధీనం చేసుకున్నట్లు తెలిపారు అధికారులు.

ఇదీ చూడండి: కశ్మీర్​ ఎన్​​కౌంటర్​లో జైషే టాప్​ కమాండర్​ హతం