పండుగ రంగులతో... విందు నల్లకోడితో... కోళ్లలో రకరకాల జాతులు ఉంటాయి. వాటిలో కొన్నింటికి రుచి నుంచి ధర వరకు ఎన్నో ప్రత్యేకతలుంటాయి. అందులో ఒక ప్రత్యేక జాతే ఈ 'కడక్నాథ్ కోడి.' మధ్యప్రదేశ్కు చెందిన ఈ అరుదైన రకం కోళ్లను బిహార్ రోహ్తాస్లోని తిలాతూ నివాసి కుమార్ ప్రేమ్చంద్ అనే రైతు పెంచుతున్నాడు.
మధ్యప్రదేశ్లో తప్ప మరెక్కడా పెరగని ఈ కోడిని ఓ రైతు ప్రత్యేకంగా పెంచుతున్నాడు ప్రేమ్చంద్. కడక్నాథ్ కోళ్లను పెంచడంలో అతడికున్న ఆసక్తి అక్కడితో ఆగిపోలేదు. కోడి పిల్లల్ని యంత్రాల సహాయంతో ఉత్పత్తి చేయడం ప్రారంభించాడు.
నలుపే ప్రత్యేకం..
ధరతోపాటు పోషకాల్లోనూ ఈ కోడి ప్రత్యేకమే. అందుకే ప్రేమ్చంద్కు దీనిపై అమితాసక్తి. కడక్నాథ్ కోడి నలుపు రంగులో ఉంటుంది. ఈకల నుంచి మాంసం వరకు అంతా నలుపే. ఈ కోడిలో ఏమాత్రం కొవ్వు ఉండదు. ప్రొటీన్లు పుష్కలంగా లభిస్తాయి. రుచి అత్యద్భుతం. అందుకే దీనికి అంత ధరమరి.!
వంటకాల్లోనూ ప్రత్యేకమే...
కడక్నాథ్ కోడితో వివిధ ప్రాంతాల్లో పలు రకాల వంటకాలు తయారుచేస్తారు. కొన్ని ప్రాంతాల్లో రోస్ట్ చేస్తారు. మరికొన్ని ప్రాంతాల్లో మసాలా దట్టించి ఓ మృదువైన వస్త్రంలో చుడతారు. ఆ వస్త్రంపై పిండిముద్ద పెట్టి మసాలా బయటికిపోకుండా చూస్తారు. అనంతరం ఓవెన్లో ఉంచి వేడి చేస్తారు. ఇక నోరూరించే కడక్నాథ్ కోడి మాంసం... మీ ముందుంటుంది.
ధరలు ఆకాశంలో...
మార్కెట్లో దేశవాళీ కోడి ధర 200 నుంచి 300 వరకు పలుకుతుంది. కానీ కడక్నాథ్ కోడికున్న డిమాండ్ వల్ల దీని ధర కొండెక్కి కూర్చుంది. ఈ కోడి ధర కిలో రూ.700 నుంచి 800 వరకు ఉంటుంది.
ఉపాధి కల్పనలోనూ ముందంజ
కడక్నాథ్ కోళ్ల పెంపకం తనకు లాభసాటిగా ఉందని ప్రేమ్చంద్ తెలిపాడు. తక్కువ ఖర్చుతో అధిక లాభాల్ని ఆర్జిస్తూ గ్రామంలోని వారికీ ఉపాధి కల్పిస్తున్నాడు.
ఈ కోడి రంగు నలుపు. రెక్కలు నలుపు, కళ్లు నలుపు. ఈ కోడి మొత్తం నల్లగానే ఉంటుంది. ఈ కోడి జాతిని వృద్ధి చేయాలనే ఇక్కడకు తీసుకువచ్చాను. దీని పేరు కడక్నాథ్. అందరూ దీన్ని ఆ పేరుతోనే పిలుస్తారు. మీరు దీని గురించి అంతర్జాలంలో వెతకొచ్చు. ఈ కోడి మాంసం రుచి బావుంటుంది. దీనిలో చాలా ప్రొటీన్లు ఉంటాయి. ప్రస్తుతం దీని ధర కేజీ. రూ.700 నుంచి 800 ఉంది.
-ప్రేమ్చంద్, కోళ్ల పెంపకందారు
గ్రామంలోని వారికి ప్రేమ్చంద్ అభిరుచి వల్ల ఉపాధి లభిస్తోన్న కారణంగా ఊరంతా ప్రేమ్చంద్కు ఫిదా అయిపోయారు.
