జేఈఈ మెయిన్ మొదటి పరీక్ష కోసం ఆన్లైన్ దరఖాస్తుల గడువును జాతీయ పరీక్షల సంస్థ(ఎన్టీఏ) ఈనెల 23 వరకు పొడిగించింది. ఆన్ లైన్ లో రుసుములు చెల్లించేందుకు ఈనెల 24 వరకు గడువు పెంచింది. ఈనెల 27 నుంచి 30 వరకు దరఖాస్తుల్లో మార్పులు, చేర్పులు చేసుకోవచ్చని ఎన్టీఏ తెలిపింది.
గత నెల 16 నుంచి స్వీకరిస్తున్న దరఖాస్తుల గడువు నేటితో ముగిసింది. అయితే గోరఖ్పూర్లోని మదన్ మోహన్ మాలవీయ యూనివర్సిటీ ఆఫ్ టెక్నాలజీలో బీటెక్ సీట్లను కూడా జేఈఈ మెయిన్ స్కోర్ ఆధారంగా భర్తీ చేయాలని తాజాగా నిర్ణయించారు. ఈ నేపథ్యంలో జేఈఈ మెయిన్ దరఖాస్తుల గడువు పొడిగించినట్లు ఎన్టీఏ పేర్కొంది.
ఫిబ్రవరితో పాటు మార్చి, ఏప్రిల్, మే నెలల్లో కూడా పరీక్షలు నిర్వహించనున్నట్లు ఇదివరకే వెల్లడించింది.