మిత్రపక్షం నుంచి భాజపాకు అనూహ్య ప్రశ్న- షా జోక్యం

ఎన్​డీఏ పక్షాల సమావేశం వేదికగా ఎన్​పీఆర్​పై వివరణ కోరింది జేడీయూ. జాతీయ జనాభా పట్టికలో(ఎన్​పీఆర్​) తల్లితండ్రుల వివరాలకు సంబంధించిన ప్రశ్నలను తొలగించాలని ప్రభుత్వాన్ని కోరింది. దీనిపై చర్చ జరిపి సానుకూల నిర్ణయం తీసుకుంటామని కేంద్ర హోంమంత్రి అమిత్​షా చెప్పినట్లు జేడీయూ నేత లలన్ సింగ్ వెల్లడించారు.

జాతీయ జనాభా పట్టిక(ఎన్​పీఆర్​)లో తల్లిదండ్రుల వివరాలకు సంబంధించిన ప్రశ్నలు తొలగించాలని కేంద్రాన్ని కోరింది జేడీయూ. దిల్లీలో జరిగిన ఎన్​డీఏ పక్షాల సమావేశం వేదికగా ఈ అభ్యర్థన చేసింది. ఈ విషయాన్ని జేడీయూ నేత లలన్ సింగ్ వెల్లడించారు. దీనిపై చర్చ జరుపుతామని హోంమంత్రి అమిత్​షా సమాధానమిచ్చినట్లు తెలిపారు.

జేడీయూ అభ్యర్థనను మరో కూటమి పార్టీ అకాలీ దళ్ కూడా సమర్థించిందని సమచారం.

ఇదే అంశమై ప్రభుత్వం ఇంతకుముందే వివరణ ఇచ్చింది. జాతీయ జనాభా పట్టిక(ఎన్​పీఆర్​)లో తల్లిదండ్రుల పుట్టిన స్థలం, జన్మించిన తేదీ వంటి వివరాలు తెలపడం ప్రజల ఇష్టమని కేంద్రమంత్రి ప్రకాశ్ జావడేకర్ స్పష్టంచేశారు.

ఇదీ చూడండి: నిర్భయ దోషులకు ఉరి శిక్ష మళ్లీ వాయిదా