తమిళనాడు మాజీ ముఖ్యమంత్రి జయలలిత మేనకోడలు దీపా, మేనల్లుడు దీపక్లను ఆమె వారసులుగా గుర్తించింది మద్రాసు హైకోర్టు. ఈ మేరకు జయలలిత ఎస్టేట్, రూ.900కోట్లుకుపైగా విలువ చేసే ఆస్తులకు వారే హక్కుదారులుగా పేర్కొంది.
జస్టిస్ ఎన్. కురుబకరన్, జస్టిస్ అబ్దుల్ ఖుద్ధోసితో కూడిన ధర్మాసం.. జయలలిత ఆస్తులను దీపా, దీపక్లు పర్యవేక్షించే విధంగా అనుమతినిచ్చింది.
జయలలిత నివాసం, ఇతర ఆస్తులను తాత్కాలికంగా స్వాధీనం చేసుకోవాలని తమిళనాడు గవర్నర్ బనవరిలాల్ పురోహిత్ ఇది వరకే ఆర్డినెన్స్ జారీ చేశారు. తమను జయలలితకు వారసులుగా గుర్తించాలని దీపక్ హైకోర్టులో పిటిషన్ వేశారు. విచారణ అనంతరం వారిని వారసులుగా గుర్తించిన కోర్టు.. 'గ్రాంట్ ఆఫ్ లెటర్స్ ఆఫ్ అడ్మినిస్ట్రేషన్' ప్రక్రియ కోసం అన్నాడీఎంకే సభ్యులు ఎన్. పగజెన్ది, పి.జానకీరమణ వేసిన వ్యాజ్యాన్ని కొట్టివేసింది.
పియోస్ గార్డెన్ను జయలలిత మెమోరియల్గా మార్చాలని తమిళనాడు ప్రభుత్వం భావించింది. అయితే దానికి బదులు ముఖ్యమంత్రి అధికారిక నివాసం, కార్యాలయంగా వినియోగించుకోవాలని సూచించింది హైకోర్టు. నివాసంలోని ఒక భాగాన్ని మెమోరియల్గా మార్చుకోవచ్చని పేర్కొంది.
సంక్షేమ కార్యక్రమాల కోసం దీపక్, దీపా.. జయలలిత పేరు మీద ట్రస్ట్ను ఏర్పాటు చేయాలనుకుంటున్నట్టు హైకోర్టు తెలిపింది. వారికి అన్ని వేళలా వారి సొంత ఖర్చులతో భద్రత కల్పించాలని ప్రభుత్వాన్ని ఆదేశించింది.