జమ్ము కశ్మీర్లో నిర్బంధంలో ఉన్న సీపీఎం నేత మొహమ్మద్ యూసుఫ్ తారిగామిని... న్యాయస్థానం ఎదుట హాజరుపరచాలని కోరుతూ ఆ పార్టీ ప్రధాన కార్యదర్శి సీతారాం ఏచూరి సుప్రీంకోర్టులో రిట్ పిటిషన్ వేశారు.
కశ్మీర్లో ఆర్టికల్ 370 రద్దు చేసినప్పటి నుంచి ఇప్పటి వరకు కశ్మీర్లోని వివిధ పార్టీల నేతలను పోలీసులు నిర్బంధంలోనే ఉంచారు. సీపీఎం కేంద్ర కమిటీ సభ్యుడైన తరిగామి... జమ్ము కశ్మీర్ అసెంబ్లీకి నాలుగుసార్లు ఎమ్మెల్యేగా ఎన్నికయ్యారు. ప్రస్తుతం ఆయన ఆరోగ్య పరిస్థితి ఆందోళనకరంగా ఉన్నట్టు వార్తలు వస్తున్నాయి. ఈ నేపథ్యంలో ఆయనను.. విడుదల చేయాలని, కోర్టు ముందు హాజరుపరచాలని (హెబియస్ కార్పస్) కోరుతూ ఏచూరి సుప్రీంను ఆశ్రయించారు.