జమ్ముకశ్మీర్​లో 127 ఎలక్షన్ అసిస్టెంట్​ పోస్టులు!

ఆర్టికల్​ 370 రద్దు అనంతరం జమ్ముకశ్మీర్​లో ఉద్యోగాల కల్పనపై దృష్టి సారించింది ప్రభుత్వం. ఇందులో భాగంగా అక్కడి ఎన్నికల ప్రధానాధికారి కార్యాలయంలో కొత్తగా 127 ఉద్యోగాల విడుదులకు సిద్ధమైంది.

జమ్ముకశ్మీర్​లోని ఎన్నికల ప్రధాన అధికారి కార్యాలయంలో కొత్తగా 127 ఉద్యోగులను నియమించేందుకు ఆ రాష్ట్ర పాలకమండలి అంగీకారం తెలిపింది. గవర్నర్​ సత్యపాల్ మాలిక్​ అధ్వర్యంలో జరిగిన సమావేశంలో ఈ మేరకు నిర్ణయం తీసుకున్నట్లు ప్రభుత్వ అధికారి ఒకరు స్పష్టం చేశారు. ఇందులో 50 సీనియర్​ ఎలక్షన్​ అసిస్టెంట్​, 77 జూనియర్​ ఎలక్షన్ అసిస్టెంట్​ పోస్టులు ఉన్నాయి.

ఈ కొత్త ఉద్యోగాల ద్వారా ఎరోనెట్​, బ్లోనెట్​తో పాటు భారత ఎన్నికల సంఘం ప్రారంభించే పలు కార్యక్రమాలను ప్రజలకు చేరువ చేయనున్నారు. అలాగే జమ్ముకశ్మీర్​లో కొత్త ఓటర్ల నమోదు ప్రక్రియతో పాటు జాబితా నుంచి నకిలీ ఓటర్ల తొలగింపు వంటి సేవలు అందించేందుకు ఈ ఉద్యోగ నియామకాలు చేపట్టనున్నారు.