ఇద్దరు జైషే మహ్మద్​ ఉగ్ర అనుచరులు అరెస్ట్​

జమ్ముకశ్మీర్​లో జైషే మహ్మద్​ ముఠా కోసం పనిచేసే ఇద్దరు ఉగ్ర అనుచరులను అరెస్ట్​ చేశారు పోలీసులు. భారీగా ఆయుధాలు స్వాధీనం చేసుకున్నారు.

అమాయకులైన పౌరులను ఉగ్రవాదం పట్ల ఆకర్షితులయ్యేలా చేస్తున్న ఇద్దరిని అరెస్టు చేశారు జమ్ముకశ్మీర్​ పోలీసులు. వారు జైషే మహ్మద్​ ఉగ్ర సంస్థ కోసం పనిచేస్తున్నట్లు ప్రాథమిక విచారణలో నిర్ధరణ అయింది.

బందీపొరా, సోపోర్​లో ఉగ్ర కార్యకలాపాలకు పాల్పడుతున్నారన్న సమాచారంతో జమ్ముకశ్మీర్​ పోలీసులు, 13 ఆర్​ఆర్​ బృందంతో కలిసి నిర్బంధ తనిఖీలు చేపట్టాయి. ఈ ఘటనలోనే ఇద్దరిని అరెస్ట్​ చేశారు. వారి వద్ద నుంచి భారీగా ఆయుధాలు, మందు గుండు సామగ్రి స్వాధీనం చేసుకున్నారు పోలీసులు. ఇందులో గ్రనేడ్లు, పిస్టోళ్లు ఉన్నాయి.

సరిహద్దుల వెంబడి ఉండే ఉగ్రవాదుల ఆదేశాల మేరకు అమాయకులైన పౌరులను ఉగ్రవాదులుగా మార్చడం, వారికి ఆయుధాలు చేరవేయడం ఆ నిందితుల కర్తవ్యమని పోలీసుల విచారణలో తేలింది.

ఇదీ చూడండి: ఆ అనుభూతిని పంచే 'గడపగడపకూ హరిద్వార్​'