చిదంబరం బెయిల్​ పిటిషన్​పై నేడు సుప్రీం విచారణ

ఐఎన్​ఎక్స్​ మీడియా అవినీతి కేసులో కేంద్ర మాజీ మంత్రి పి.చిదంబరం బెయిల్​ పిటిషన్​పై నేడు విచారణ చేపట్టనుంది సుప్రీం కోర్టు. సెప్టెంబర్​ 30న దిల్లీ హైకోర్టు తీర్పును సవాలు చేస్తూ బెయిల్​ మంజూరు చేయాలని అత్యున్నత న్యాయస్థానాన్ని ఆశ్రయించారు చిదంబరం.

ఐఎన్​ఎక్స్​ మీడియా కేసులో కేంద్ర మాజీ ఆర్థిక మంత్రి పి.చిదంబరం బెయిల్​ పిటిషన్​పై నేడు సుప్రీం కోర్టు విచారణ చేపట్టనుంది. బెయిల్​ పిటిషన్​పై సుప్రీం నాయ్యమూర్తులు జస్టిస్​ ఆర్​ భానుమతి, జస్టిస్​ హృషికేశ్​ రాయ్​లతో కూడిన ధర్మాసనం విచారణ చేయనుంది.

ఐఎన్​ఎక్స్​ మీడియా అవినీతి కేసులో బెయిల్​ పిటిషన్​ను సెప్టెంబర్​ 30న దిల్లీ హైకోర్టు తిరస్కరించటాన్ని సవాలు చేస్తూ సుప్రీం కోర్టును ఆశ్రయించారు చిదంబరం.

ఈ కేసుకు సంబంధించి కేంద్ర మాజీ మంత్రిని ఆగస్టు 21న అరెస్ట్​ చేసింది కేంద్ర దర్యాప్తు సంస్థ (సీబీఐ). కోర్టు ఆదేశాలతో జ్యుడిషియల్​ కస్టడీ నిమిత్తం తిహార్​ జైలుకు తరలించింది. సీబీఐ వినతి మేరకు గురువారం మరోమారు ఈ నెల 17 వరకు కస్టడీని పొడగించింది దిల్లీ హైకోర్టు.

ఐఎన్​ఎక్స్​ మీడియా కేసులో ఆరోపణలు

యూపీఏ హయాంలో 2004-14 మధ్యలో కేంద్ర హోం, ఆర్థిక మంత్రిత్వ శాఖల బాధ్యతలు నిర్వర్తించారు చిదంబరం. ఆ సమయంలో ఐఎన్​ఎక్స్​ మీడియా గ్రూపు రూ. 305 కోట్ల విదేశీ నిధులను అక్రమంగా పొందిందన్న ఆరోపణలతో 2017 మే 15న సీబీఐ ఛార్జిషీట్​ దాఖలు చేసింది. అనంతరం ఈడీ మనీలాండరింగ్ కేసు నమోదు చేసింది. 2019 ఆగస్టు 21న ఆయనను సీబీఐ అరెస్టు చేసింది.

ఇదీ చూడండి: చిదంబరానికి మళ్లీ ఎదురుదెబ్బ- 17 వరకు జైల్లోనే!