దేశంలో తూర్పు, ఉత్తర, మధ్య రాష్ట్రాల్లో వచ్చే 5 రోజులు అతి భారీ వర్షాలు కురుస్తాయని భారత వాతావరణ శాఖ (ఐఎండీ) తెలిపింది. ఉత్తర బంగాళాఖాతంలో ఏర్పడిన అల్పపీడనం వచ్చే 4,5 రోజులలో పశ్చిమ-వాయవ్యం దిశగా వెళ్ళే అవకాశం ఉండటమే కారణమని తెలిపింది.
ఫలితంగా ఒడిశా, బంగాల్, ఝార్ఖండ్ రాష్ట్రాల్లో ఆగస్టు 28 వరకు, ఛత్తీస్గఢ్, మధ్యప్రదేశ్, రాజస్థాన్లో ఆగస్టు 26-28 మధ్య భారీ నుంచి అతి భారీ వర్షాలు కురుస్తాయని తెలిపింది. ఈ మేరకు ఒడిశాలో ఆగస్టు 26, తర్వాతి రోజు ఛత్తీస్గఢ్లో రెడ్ అలర్ట్ ప్రకటించింది ఐఎండీ.