భారత వాయుసేన స్థావరాలపై దాడులకు పాక్​ కుట్ర!

09:35 September 25

వాయుసేన స్థావరాలపై దాడులకు ఉగ్రకుట్ర!

ఆర్టికల్​ 370 రద్దు అనంతరం దేశంలో ఉగ్రదాడులు చేసేందుకు పాక్ ఆధారిత జైషే మహ్మద్​ ఉగ్రసంస్థ కుట్ర పన్నుతోంది. తాజాగా జమ్ముకశ్మీర్​ సహా చుట్టుపక్కల ప్రాంతాల్లోని వాయుసేన స్థావరాలే లక్ష్యంగా ఉగ్రవాదులు దాడులు చేయాలని ప్రణాళికలు రచించినట్లు తెలిసింది. జైషే మహ్మద్​ ఉగ్రమూకకు చెందిన 8-10మందితో కూడిన ముష్కర బృందం... ఆత్మాహుతి దాడికి పాల్పడే ప్రమాదముందని నిఘా వర్గాలు హెచ్చరించాయి.

హై అలర్ట్​

నిఘా సమాచారంతో అధికారులు భద్రతను ఎక్కడికక్కడ కట్టుదిట్టం చేశారు. శ్రీనగర్​, అవంతిపొర, జమ్ము, పఠాన్​కోట్​, హిండన్​ ప్రాంతాల్లోని వాయుసేన స్థావరాలను అప్రమత్తం​ చేశారు. ఎలాంటి ప్రమాదం జరగకుండా ఉండేందుకు సీనియర్ అధికారులు 24 గంటలు భద్రతను సమీక్షిస్తున్నారు. 

ఇదీ చూడండి : 'గ్లోబల్​ గోల్​ కీపర్' పురస్కారం​ స్వీకరించిన మోదీ