వేలానికి ఐఎన్ఎస్​ విరాట్​.. మార్చిలో నిర్వహణ!

ఐఎన్​ఎస్​ విరాట్​ ఎయిర్​క్రాఫ్ట్​ క్యారియర్​ నౌకను ఈ-వేలం వేసేందుకు ప్రభుత్వం చర్యలు చేపట్టింది. వచ్చే నెల మార్చిలో టెండర్లు ఆహ్వానించనున్నట్లు తెలిపింది. నౌకలను తుక్కుగా మార్చే ప్రభుత్వ విధానంలోని నియమాల ప్రకారం ధర నిర్ణయించినట్లు స్పష్టం చేసింది. గతేడాది డిసెంబర్​లో నిర్వహించిన ఈ-వేలం విజయవంతం కాకపోవటం వల్ల మరోమారు వేలం వేసేందుకు సిద్ధమైంది.

భారత నౌకాదళంలో విశేష సేవలందించిన ఐఎన్​ఎస్​ విరాట్​.. ఈ-వేలానికి మరోమారు సిద్ధమైంది కేంద్ర ప్రభుత్వం. వచ్చే మార్చిలో వేలం ప్రక్రియను చేపట్టనున్నట్లు వెల్లడించింది. అయితే.. గత ఏడాది డిసెంబర్​లో ఈ ఎయిర్​క్రాఫ్ట్​ క్యారియర్​ నౌకను వేలం వేసేందుకు చేపట్టిన చర్యలు ఫలించకపోవటం వల్ల మరోసారి నిర్వహించేందుకు ప్రణాళికలు రచిస్తోంది.

ఐఎన్​ఎస్​ విరాట్​ వేలంపై లోక్​సభలో సభ్యులు అడిగిన ప్రశ్నలకు లిఖితపూర్వకంగా సమాధానం అందించారు రక్షణ శాక సహాయ మంత్రి శ్రీపాద్​ నాయక్​.

"2019, డిసెంబర్​ 17న ఈ-వేలం చేపట్టాం. అందులో ముగ్గురు బిడ్డర్లు పాల్గొన్నారు. అయితే.. ప్రభుత్వ ధరకన్నా 50 శాతం తక్కువ ధర కోట్​ చేసిన కారణంగా ఎంఎస్​టీసీ బిడ్డింగ్​ ప్రక్రియలో చేపట్టిన వేలం తిరస్కరణకు గురైంది."

- శ్రీపాద్​ నాయక్​, రక్షణ శాఖ సహాయ మంత్రి

గతేడాది డిసెంబర్​లో చేపట్టిన వేలం ప్రక్రియను ఎంఎస్​టీసీ సంస్థ నిర్వహించింది. ఓడలను తుక్కు కింద మార్చే విధానంలోని ప్రభుత్వ నియమాల ప్రకారం ధరను నిర్ణయించినట్లు తెలిపారు మంత్రి.

ఇదీ చూడండి: నూతన భద్రతా సవాళ్ల కోసం.. నవీన సాంకేతిక పరిజ్ఞానం: మోదీ