'ప్రపంచవ్యాప్తంగా భారత్​కున్న మంచి పేరుకు నిదర్శనం'

యూఎన్​ భద్రాతా మండలికి భారత్​ ఎన్నికవడం పట్ల సంతోషం వ్యక్తం చేశారు ఉపరాష్ట్రపతి వెంకయ్య నాయుడు. ఈ ఎంపిక.. భారత్​కు ఉన్న మంచి పేరుకు నిదర్శనమన్నారు.

ఐక్యరాజ్యసమితి భద్రతా మండలిలోని తాత్కాలిక సభ్యదేశాలకు జరిగిన ఎన్నికల్లో భారత్ ఏకగ్రీవంగా గెలుపొందడంపై హర్షం వ్యక్తం చేశారు ఉప రాష్ట్రపతి వెంకయ్యనాయుడు. అంతర్జాతీయంగా భారత్​కు ఉన్న మంచి పేరుకు ఇది నిదర్శమని కొనియాడారు. దేశం ఎల్లప్పుడూ శాంతి, అహింసలనే కోరుతుందని.. ఆ దిశగానే కొనసాగుతుందని చెప్పారు.

'యూఎన్​ఎస్​సీలో తాత్కాలిక సభ్యదేశంగా భారత్​ ఎంపికవ్వడం చాలా ఆనందంగా ఉంది. మొత్తం 192 ఓట్లలో 184 దేశాలు భారత్​కు మద్దతు లభించడం.. ఆయా దేశాలలో భారత్​కున్న మంచి పేరుకు నిదర్శనం'

- ఉప రాష్ట్రపతి కార్యాలయం

రెండేళ్ల పాటు..

ఐక్యరాజ్యసమితి భద్రతా మండలిలో తాత్కాలిక సభ్యదేశంగా ఎన్నికైన భారత్​.. రెండేళ్ల పాటు సభ్యత్వాన్ని కలిగి ఉంటుంది. ఇది 2021 జనవరి 1 నుంచి ప్రారంభంకానుంది. ఐక్యరాజ్యసమితిలో 5 శాశ్వత సభ్యదేశాలు, 10 తాత్కాలిక సభ్యదేశాలు ఉంటాయి. భారత్​కు ఈ అవకాశం దక్కడం ఇది ఎనిమిదోసారి.

ఇదీ చదవండి:భద్రతా మండలిలో భారత్​కు​ శాశ్వత హోదా ఎలా?