'రద్దీని నియంత్రించేందుకు రైల్వేశాఖ చర్యలు'

రైల్వే మార్గాల రద్దీని తగ్గించేందుకు చర్యలు ముమ్మరం చేసింది భారతీయ రైల్వే. ఇందుకోసం దేశవ్యాప్తంగా రద్దీగా ఉండే మార్గాలను గుర్తించిన భారతీయ రైల్వే.. నియంత్రణ చర్యలు చేపట్టనున్నట్లు ప్రకటించింది.

దేశ వ్యాప్తంగా పలు రైల్వే మార్గాల్లో రద్దీని నియంత్రించే పనులను చేపట్టినట్లు భారతీయ రైల్వే ప్రకటించింది. ఈ మేరకు రైల్వే బోర్డు ఛైర్మన్​ వినోద్​ కుమార్​ యాదవ్​ తెలిపారు. రద్దీగా ఉన్న మార్గాలను గుర్తించి వాటిపై చర్యలు తీసుకుంటామని ఆయన అన్నారు.

'ఇప్పటివరకు మొత్తం 7 'హై- డెన్సిటీ నెట్​వర్క్​(హెచ్​డీఎన్​)' మార్గాలను గుర్తించాం. 11,295 కిలోమీటర్ల పొడవైన ఈ మార్గం గుండా సుమారు 60 శాతం ట్రాఫిక్​తో తీవ్ర సమస్య ఏర్పడుతోంది. అందువల్ల ఈ రద్దీని నియంత్రించేందుకు తగిన చర్యలు చేపడుతున్నాం.'

- వినోద్​ కుమార్​ యాదవ్​, భారతీయ రైల్వే ఛైర్మన్​

2024 నాటికి రెట్టింపే లక్ష్యం..

అంతేకాకుండా 2024 మార్చి నాటికి సుమారు 34,642 కిలోమీటర్ల పొడవైన హెచ్​డీఎన్​, హెచ్​యూఎన్​ మార్గాలను విద్యుద్దీకరణ చేస్తున్నట్లు తెలిపారు వినోద్​. ఈ ప్రక్రియను పారదర్శకంగా నిర్వహిస్తున్నామని చెప్పిన వినోద్​.. ఒప్పంద(కాంట్రాక్ట్​) విధానాలను పూర్తిగా సవరించామని స్పష్టం చేశారు. ఇప్పటికే ఆన్​లైన్​ డ్రాయింగ్స్​ అప్రూవల్​ పోర్టల్​(ఈ-డాష్​) కార్యరూపం దాల్చిందన్న ఆయన.. ఇప్పటికే పలు కాంట్రాక్ట్​లు ప్రారంభమయ్యాయని పేర్కొన్నారు.

ఇదీ చదవండి:బురదలో కూరుకుపోయి ప్రాణాలు విడిచిన 'గజరాజు'