మిగ్​-29కే కూలిన ఘటనలో పైలట్​ మృతి

నావికాదళానికి చెందిన మిగ్​-29కే శిక్షణా విమానం కూలిన ఘటనలో పైలట్​ కమాండర్​ నిశాంత్​ మృతదేహం అరేబియా సముద్రంలో లభించింది. ఈ విషయాన్ని నావికాదళం సోమవారం ప్రకటించింది. గత నెల 26న సముద్రంలో విమానం కూలిపోగా.. ఓ పైలట్​ క్షేమంగా బయటపడ్డారు.

అరేబియా సముద్రంలో మిగ్​-29కే శిక్షణా విమానం కూలిన ఘటనలో పైలట్​ కమాండర్​ నిశాంత్​ సింగ్​ మృతదేహాన్ని గుర్తించినట్టు భారత నావికాదళం వెల్లడించింది. గోవా తీరానికి 30 మైళ్ల దూరంలో, సముద్రమట్టానికి 70మీటర్ల లోతులో మృతదేహం లభించినట్టు వివరించింది.

నవంబర్​ 26, సాయంత్రం 5 గంటల సమయంలో విమానం కూలింది. ఘటనలో ఓ పైలట్​ క్షేమంగా బయటపడగా మరో పైలట్​ కోసం తీవ్రస్థాయిలో గాలింపు చర్యలు చేపట్టింది నావికాదళం. ఈ పూర్తి వ్యవహారంపై ఉన్నత స్థాయి విచారణకు ఆదేశించింది.

ఇదీ చూడండి:-మంగళవారం 'భారత్​ బంద్​'- అన్ని వర్గాల మద్దతు!