సరిహద్దులో ఉద్రిక్తతకు తెర.. భారత పౌరుడి విడుదల

నేపాల్​ పోలీసులు.. అదుపులోకి తీసుకున్న భారత పౌరుడు రామ్​ లగాన్​ను విడిచిపెట్టారు. అతని విడుదలతో బిహార్​లోని సోన్​బర్సా సరిహద్దు ప్రాంతంలో నెలకొన్న ఉద్రిక్తత పరిస్థితులు సద్దుమణిగినట్లు తెలుస్తోంది. ప్రస్తుతం అక్కడ పరిస్థితులు సాధారణంగానే ఉన్నట్లు అధికారులు తెలిపారు.

బిహార్​ సరిహద్దులో నేపాల్​ సాయుధ పోలీసు బలగాలు, స్థానికుల మధ్య ఘర్షణతో నెలకొన్న ఉద్రిక్త పరిస్థితులు సద్దుమణిగాయి. ఘర్షణ సమయంలో కస్టడీలోకి తీసుకున్న భారతీయుడు రామ్​ లగాన్​ యాదవ్​ను విడిచిపెట్టారు నేపాల్​ పోలీసులు.

ఘటన జరిగిన వెంటనే నేపాల్​ అధికారులతో స్థానిక కమాండర్లు సంప్రదింపులు జరిపినట్లు సశస్త్ర సీమా బల్​ డీజీ రాజేశ్​ చంద్ర శుక్రవారం సాయంత్రం తెలిపారు. ఇది పూర్తిగా స్థానిక సమస్యగా పేర్కొన్నారు. ఇరు దేశాల అధికారుల మధ్య సంప్రదిపులతో సమస్య పరిష్కారానికి వచ్చినట్లు తెలుస్తోంది.

శుక్రవారం ఉదయం 8.40 గంటల సమయంలో బిహార్​ సీతామడి జిల్లాలోని జానకీ నగర్​, నేపాల్​ సర్లాహి మధ్య సరిహద్దు ప్రాంతంలో నేపాల్​ పోలీసులు, భారత పౌరుల మధ్య ఘర్షణ జరిగింది. ఈ నేపథ్యంలో 18 రౌండ్ల కాల్పులు జరిపాయి నేపాలీ బలగాలు. ఈ ఘటనలో ఒకరు మృతి చెందగా ఇద్దరు తీవ్రంగా గాయపడ్డారు.

ఇదీ చూడండి: భారతీయులపై నేపాల్​ పోలీసుల కాల్పులు అందుకే!