భారత గగనతలంలోకి ప్రవేశించేందుకు ప్రయత్నించిన పాకిస్థాన్ డ్రోన్ను భారత సైన్యం పేల్చేసింది. రాజస్థాన్లోని శ్రీ గంగానగర్ అంతర్జాతీయ సరిహద్దు వద్ద ఈ డ్రోన్ చొరబాటుకు ప్రయత్నించినట్లు సైన్యాధికారులు వెల్లడించారు.
జైషే ఉగ్రసంస్థలపై మెరుపు దాడులతర్వాత పాకిస్థాన్ డ్రోన్లు భారత్లోకి చొరబాటుకు యత్నించడం ఇది మూడోసారి.
భారత్-పాక్ మధ్య వైమానిక దాడి జరిగిన రోజు గుజరాత్లోని కచ్ సరిహద్దు వద్ద చొరబాటుకు యత్నించిన పాక్ డ్రోన్ను భారత సైన్యం నేలకూల్చింది.
రెండో సారి రాజస్థాన్లోని బికానేర్ సరిహద్దులో భారత గగనతలంలోకి ప్రవేశించేందుకు పాక్ డ్రోన్ ప్రయత్నించింది. సైనికులు దాన్ని పేల్చివేశారు. ప్రస్తుతం మరోసారి పాక్ డ్రోన్ చొరబాటును భారత సైన్యం సమర్థంగా తిప్పికొట్టింది.
