బుద్ధి చెప్పిన భారత్​- ఇద్దరు పాక్​ జవాన్లు మృతి

జమ్ముకశ్మీర్​ రాజౌరీ జిల్లాలో ఎల్​ఓసీ వెంబడి భారత్​- పాక్​ మధ్య భీకర కాల్పులు జరిగాయి. ఈ ఘటనలో ఇద్దరు పాక్​ జవాన్లు మృతి చెందినట్లు అధికారులు తెలిపారు.

జమ్ముకశ్మీర్​లో నియంత్రణ రేఖ వెంబడి కాల్పుల విరమణ ఒప్పందాన్ని మరోసారి ఉల్లంఘించిన పాక్​కు భారత్​ గట్టిగా బదులిచ్చింది. మంగళవారం రాజౌరీ జిల్లా నౌషేరా సెక్టార్​లో ఎల్​ఓసీ వెంబడి భారత సైన్యం జరిపిన కాల్పుల్లో ఇద్దరు పాక్​ జవాన్లు ప్రాణాలు కోల్పోయినట్లు అధికారులు వెల్లడించారు.

ఎల్​ఓసీ వెంబడి ఉన్న గ్రామాలు, పౌరులే లక్ష్యంగా పాక్​ సైన్యం ఇటీవల కాల్పులకు తెగబడుతున్నట్లు లెఫ్టినెంట్​ జనరల్​ సతీందర్​ కుమార్​ తెలిపారు. ఇలాంటి చర్యలకు పాల్పడితే భారత సైన్యం తీవ్రంగా ప్రతిస్పందిస్తుందని హెచ్చరించారు.